கடந்த 2010ஆம் ஆண்டு தெலுங்கில் ராணா நடிப்பில் வெளியான 'லீடர்' படத்தில் நாயகியாக அறிமுகமான நடிகை ரிச்சா அதன் பின் தனுஷ் நடித்த 'மயக்கமென்ன', சிம்பு நடித்த 'ஒஸ்தி' உள்பட ஒருசில படங்களில் நடித்தார். இந்த இரண்டு படங்களும் ஒரே ஆண்டில் வெளியாகியது என்பது குறிப்பிடத்தக்கது.

இந்த நிலையில் நடிகை ரிச்சா தனது காதல் மற்றும் திருமணம் குறித்து தனது சமூக வலைத்தளத்தில் தெரிவித்துள்ளார். தனக்கு ஜோ என்பவருடன் திருமண நிச்சயதார்த்தம் முடிந்துவிட்டதாகவும், திருமண தேதி இன்னும் முடிவாகவில்லை என்றும், கூடிய விரைவில் திருமண தேதியை அறிவிக்கவிருப்பதாகவும் தெரிவித்துள்ளார்.

மேலும் கடந்த இரண்டு வருடங்களுக்கு முன் ஜோ அவர்களை பிசினஸ் ஸ்கூலில் சந்தித்ததாகவும், அவருடன் பழகிய இந்த இரண்டு வருடங்கள் அற்புதமானவை என்றும், அதனால் அடுத்த கட்டத்திற்கு தங்களுடைய வாழ்க்கையை தாங்கள் கொண்டு செல்ல முடிவு செய்துள்ளதாகவும் தெரிவித்துள்ளார். திருமண அறிவிப்பை வெளியிட்டுள்ள நடிகை ரிச்சாவுக்கு வாழ்த்துக்கள் குவிந்து வருகிறது.

Just wanted to share that I am engaged ❤! Joe and I met in business school and it has been two wonderful years! Looking forward to the next phase of my life. Wedding date not set yet!?? pic.twitter.com/7ozwry8Zg9

— Richa Gangopadhyay (@richyricha) January 15, 2019