தமிழ், தெலுங்கு திரையுலகில் முன்னணி நடிகைகளில் ஒருவரான ராஷ்மிகா மந்தனா தற்போது பாலிவுட்டிலும் பிஸியாக இருந்து வருகிறார். இந்த நிலையில் பிரதமர் மோடியின் 10 ஆண்டு ஆட்சி குறித்து சமீபத்தில் அவர் பேட்டி அளித்த போது தனது கருத்துக்களை அவர் தெரிவித்துள்ளார்.

மும்பை - நவிமும்பை நகரங்களை இணைக்கும் நாட்டின் மிக நீளமான அடல் சேது கடல்வழி பாலம் சாத்தியம் என்று யாராவது நாம் நினைத்திருப்போமா? ஆனால் மோடியின் ஆட்சியில் சாத்தியமாகியுள்ளது. இந்த பாலம் மூலம் 2 மணி நேர பயணம் 20 நிமிட பயணமாக மாறி உள்ளது என்று ராஷ்மிகா மந்தனா தெரிவித்துள்ளார். இது போன்ற உள்கட்டமைப்பு வசதிகளால் தான் நம்மால் எளிமையாக பயணம் செய்ய முடிகிறது என்றும் இது எனக்கு பெருமை அளித்ததாகவும் அவர் குறிப்பிட்டுள்ளார்.

கடந்த 10 ஆண்டுகளில் நாடு அபரிதமான வளர்ச்சி அடைந்துள்ளது, உள்கட்டமைப்பு சார்ந்த திட்டமிடல் அபாரமாக உள்ளது என்று அவர் தெரிவித்துள்ளார். மேலும் இந்தியா இளம் தலைமுறை கொண்ட நாடு என்பதால் வேகமாக வளர்ந்து வருகிறது என்றும் இளம் தலைமுறையினர் அதிகம் வாக்களிக்க வேண்டும் என்றும் அவர் தெரிவித்தார்.

இளைஞர்களுக்கு தற்போது பொறுப்பு உள்ளது என்றும், சரியான திசையில் அவர்கள் பயணம் செய்து வருகிறார்கள் என்றும், இந்த வளர்ச்சியோடு நிற்காமல் இன்னும் அதிக வளர்ச்சியடைய மோடிக்கு வாக்களியுங்கள் என்றும் அவர் கூறியுள்ளார்.