திடீரென ஆன்மீக பயணம் மேற்கொண்ட ரம்யா பாண்டியன்.. யாருடன் கிரிவலம் சென்றார் தெரியுமா?
- IndiaGlitz, [Wednesday,April 26 2023]
சமூக வலைதளங்களில் கிளாமர் புகைப்படங்கள் மற்றும் வீடியோக்களை பதிவு செய்து பரபரப்பை ஏற்படுத்தி வரும் நடிகை ரம்யா பாண்டியன் திடீரென தனது சகோதரிகளுடன் ஆன்மீக பயணம் சென்றுள்ள புகைப்படங்களை பதிவு செய்துள்ளார். இந்த புகைப்படங்கள் தற்போது இணையதளங்களில் வைரல் ஆகி வருகிறது.
தமிழ் திரையுலகில் நடிகைகளில் ஒருவரும் பிக்பாஸ் மற்றும் குக் வித் கோமாளி நிகழ்ச்சிகளின் போட்டியாளருமான ரம்யா பாண்டியன் இன்ஸ்டாகிராமில் பிரபலம் என்பதும் அவரது இன்ஸ்டாகிராம் பக்கத்தில் சுமார் மூன்று மில்லியன் ஃபாலோயர்கள் உள்ளனர் என்பதும் குறிப்பிடத்தக்கது.
மேலும் கடந்த சில மாதங்களாக அவர் ஒர்க் அவுட் செய்யும் புகைப்படங்கள் வீடியோக்கள் உட்பட பல கிளாமர் புகைப்படங்களை வெளியிட்டு வரும் நிலையில் அவை மிகப்பெரிய அளவில் வைரலாகி வருகிறது. வாரத்திற்கு இரண்டு அல்லது மூன்று முறை அவர் விதவிதமான போட்டோஷூட் புகைப்படங்கள் எடுத்து பதிவு செய்து வருவார் என்பது குறிப்பிடத்தக்கது.
இந்த நிலையில் நடிகர் ரம்யா பாண்டியன் தனது சகோதரி கீர்த்தி பாண்டியன் மற்றும் சுந்தரியுடன் திருவண்ணாமலைக்கு சென்ற புகைப்படங்களை பதிவு செய்துள்ளார். திருவண்ணாமலை சிவன் கோவிலில் தரிசனம் செய்துவிட்டு அதன் பின் கிரிவலம் சென்றோம், முதல் முறையாக தனது சகோதரிகளுடன் கிரிவலம் சென்றது புதுமையான அனுபவமாக இருந்தது, மிகவும் அமைதியான, அழகான ஆன்மீக அனுபவம் கிடைத்தது என்றும் அவர் தெரிவித்துள்ளார். இந்த பதிவுக்கு ஏராளமான லைக்ஸ் குவிந்து வருகிறது.