பிக்பாஸ் நிகழ்ச்சியை தொகுத்து வழங்குவது இந்த பிரபல நடிகையா?
- IndiaGlitz, [Friday,November 26 2021]
பிக்பாஸ் நிகழ்ச்சியை தொகுத்து வழங்கி வரும் கமல்ஹாசனுக்கு திடீரென கொரோனா வைரஸ் பாதிப்பு ஏற்பட்டு உள்ளது என்பதும் இதனை அடுத்து அவர் சென்னை போரூரில் உள்ள தனியார் மருத்துவமனையில் அனுமதிக்கப்பட்டு சிகிச்சை பெற்று வருகிறார் என்பதும் அவரது உடல்நிலை தற்போது சீராக உள்ளது என்பதும் தெரிந்ததே.
இந்த நிலையில் வரும் சனி, ஞாயிறில் பிக்பாஸ் நிகழ்ச்சியை கமல்ஹாசனுக்கு பதில் யார் தொகுத்து வழங்குவார் என்ற கேள்வி எழுந்துள்ளது. கமல்ஹாசனே மருத்துவமனையிலிருந்து தொகுத்து வழங்குவாரா? அல்லது அவருக்கு பதில் வேறு யாரேனும் ஏற்பாடு செய்யப்பட்டுள்ளதா? என்பது குறித்த தகவல் அவ்வப்போது கசிந்து வருகிறது.
இந்த நிலையில் தற்போது வந்த தகவலின்படி நடிகை ரம்யா கிருஷ்ணன் பிக்பாஸ் நிகழ்ச்சி ஒரு சில வாரங்களுக்கு தொகுத்து வழங்க அதிக வாய்ப்பு இருப்பதாக கூறப்படுகிறது. ஏற்கனவே விஜய் டிவியில் உள்ள ஒருசில நிகழ்ச்சிகளுக்கு ரம்யா கிருஷ்ணன் நடுவராக இருந்த அனுபவம் உள்ளது என்பதால் அவர் பிக்பாஸ் நிகழ்ச்சியை தொகுத்து வழங்க அதிக வாய்ப்பு இருப்பதாக தெரிகிறது.
இருப்பினும் விஜய் டிவி தரப்பில் இருந்து அதிகாரப்பூர்வமாக நாளை மறுநாள் பிக்பாஸ் நிகழ்ச்சியை தொகுத்து வழங்குவது யார் என்பதை அறிவிக்கும் என்பதை பொறுத்திருந்து பார்ப்போம்.