படப்பிடிப்பு தளத்திற்கு 12கிமீ சைக்கிளில் சென்ற சூர்யா-கார்த்தி நடிகை!
- IndiaGlitz, [Wednesday,January 13 2021]
சூர்யா நடித்த ’என்ஜிகே’, கார்த்தி நடித்த ’தேவ்’ மற்றும் ’தீரன் அதிகாரம் ஒன்று’ ஆகிய படங்களில் நாயகியாக நடித்தவர் ரகுல் பிரீத்திசிங். தற்போது இவர் கமல்ஹாசன் நடிப்பில் ஷங்கர் இயக்கி வரும் ’இந்தியன் 2’ சிவகார்த்திகேயன் நடித்து வரும் ’அயலான்’ உள்பட ஒரு சில திரைப்படங்களில் நடித்து வருகிறார் என்பது குறிப்பிடத்தக்கது.
இந்நிலையில் பாலிவுட் திரையுலகில் பிரமாண்டமாக தயாராகி வரும் ’மே டே’ என்ற திரைப்படத்தில் நாயகியாக ரகுல் ப்ரீத்திசிங் நடித்து வருகிறார் என்பதும் இந்த படத்தில் அஜய் தேவ்கன் நாயகனாக நடித்து வருகிறார் என்பதும் குறிப்பிடத்தக்கது.
இந்த நிலையில் இந்த படத்தின் படப்பிடிப்புக்காக தான் தங்கியிருக்கும் ஹோட்டலில் இருந்து படப்பிடிப்பு தளத்திற்கு சைக்கிளிலேயே சென்றுள்ளதாகவும், 12 கிலோமீட்டர் சைக்கிளில் சென்றது தனக்கு நல்ல அனுபவமாக இருந்தது என்றும் ரகுல் ப்ரீத்திசிங் தனது இன்ஸ்டாகிராமில் பதிவு செய்துள்ளார். அதுமட்டுமின்றி தான் சைக்கிளில் சென்ற வீடியோவையும் அவர் அதில் பதிவு செய்துள்ளார் என்பதும் இந்த வீடியோ தற்போது வைரல் ஆகி வருகிறது என்பதும் குறிப்பிடத்தக்கது.
சமீபத்தில் நடிகை ரகுல் ப்ரீத்திசிங் கொரோனாவால் பாதிக்கப்பட்டு பின்னர் சிகிச்சையின் காரணமாக குணமாகி உள்ளார் என்பதும் கொரோனாவில் இருந்து குணமாகிய பின்னர் தற்போது தான் அவர் படப்பிடிப்பில் கலந்து கொண்டுள்ளார் என்பது குறிப்பிடத்தக்கது.