ராதிகா பிரதிஷ்டாவின் பாலியல் வன்முறை வீடியோ வைரல்
- IndiaGlitz, [Thursday,January 24 2019]
பிரம்மா இயக்கிய 'குற்றம் கடிதல்,' ,விஜய் மில்டன் இயக்கிய 'கடுகு' போன்ற படங்களில் நடித்த நடிகை ராதிகா பிரதிஷ்டா. நடிகை மட்டுமின்றி எழுத்தாளர் மற்றும் இயக்குனராகவும் உள்ளார்.
இந்த நிலையில் ராதிகாவின் இணை இயக்கத்தில் உருவாகியுள்ள 'ஐ எக்சிஸ்ட்' என்ற குறும்படம் சமூக வலைத்தளங்களில் பெரும் வரவேற்பை பெற்று வைரலாகி வருகிறது. இந்த குறும்படத்தில் ராதிகா பிரதிஷ்டா மூன்று வித்தியாசமான வேடத்தில் நடித்துள்ளார். அப்பாவியான இளம்பெண், ரொமாண்டிக் இளம்பெண் மற்றும் நடுத்தர வயது குடும்ப பெண் என மூன்று வித்தியாசமான கேரக்டர்களில் நடித்துள்ளார். மூன்று கேரக்டர்களும் பாலியல் வன்கொடுமைக்கு உள்ளாவதுதான் இந்த குறும்பத்தின் கதை.
கொச்சி சர்வதேச திரைப்படவிழா மற்றும் டெல்லி சர்வதேச திரைப்பட விழா உள்பட பல திரைப்பட விழாக்களில் கலந்து கொண்டு விருதுகளை குவித்துள்ள இந்த குறும்படத்தை பார்த்து ரசிகர்கள் கூறும் விமர்சனத்தை வைத்து அடுத்தகட்ட முயற்சியில் ஈடுபடவுள்ளதாக ராதிகா பிரதிஷ்டா தெரிவித்துள்ளார்.