Actress Purna : తల్లయిన పూర్ణ.. పండంటి బాబుకు జన్మనిచ్చిన అవును హీరోయిన్
- IndiaGlitz, [Tuesday,April 04 2023]
తన అభిమానులకు సినీనటి పూర్ణ శుభవార్త చెప్పారు. ఈరోజు తాను పండంటి మగబిడ్డకు జన్మనిచ్చినట్లుగా ఆమె సోషల్ మీడియాలో పోస్ట్ చేశారు. ఈ మేరకు ఆసుపత్రిలో బెడ్‌పై వున్న ఫోటోను పూర్ణ షేర్ చేశారు. అందులో తనకు వైద్యం అందించిన డాక్టర్లు, సిబ్బంది కూడా వున్నారు. దీంతో సినీ ప్రముఖులు, అభిమానులు చిన్నారిని ఆశీర్వదిస్తూ.. పూర్ణకు శుభాకాంక్షలు తెలియజేస్తున్నారు.
శ్రీమహాలక్ష్మీతో తెలుగు తెరపైకి ఎంట్రీ ఇచ్చిన పూర్ణ:
కాగా.. కేరళకు చెందిన పూర్ణ .. మోడల్‌గా, క్లాసికల్ డ్యాన్సర్‌గా తన కెరీర్‌ను ప్రారంభించారు. అనంతరం శ్రీమహాలక్ష్మీ చిత్రంతో తెలుగు తెరపై అడుగుపెట్టిన ఈమె హీరోయిన్‌గా స్టార్ స్టేటస్‌ను అందుకోలేకపోయింది. సీమ టపాకాయ్, నువ్విలా నేనిలా, లడ్డూ బాబు, అవును, అవును 2, శ్రీమంతుడు, దృశ్యం, అఖండ సినిమాల్లో నటించి మంచి గుర్తింపు తెచ్చుకున్నారు.
గతేడాది అక్టోబర్‌లో దుబాయ్ వ్యాపారవేత్తను పెళ్లాడిన పూర్ణ:
తెలుగు , తమిళ, మలయాళ భాషల్లో పలు చిత్రాల్లో నటించిన పూర్ణ.. అవకాశాలు తగ్గడంతో బుల్లితెరపై పలు రియాలిటీ షోలకు జడ్జిగా అలరించింది. ఈ క్రమంలో గతేడాది అక్టోబర్‌లో దుబాయ్‌కి చెందిన వ్యాపారవేత్త అసీఫ్ అలీని పెళ్లాడారు. ఆ తర్వాత కొద్దిరోజులకే తాను గర్భం దాల్చినట్లు పూర్ణ ప్రకటించారు. ఇటీవలే కుటుంబ సభ్యులు, సన్నిహితులు పూర్ణ సీమంతాన్ని గ్రాండ్‌గా జరిపారు. ఈ కార్యక్రమానికి ప్రముఖులు కూడా హాజరయ్యారు. దీనికి సంబంధించిన ఫోటోలు సోషల్ మీడియాలో వైరల్ అయ్యాయి.