பாஜகவில் இணையும் ரஜினி, கமல் பட நடிகை
- IndiaGlitz, [Thursday,July 25 2019]
பிரபல தெலுங்கு நடிகையும், தமிழில் ரஜினிகாந்த் நடித்த 'வள்ளி', கமல்ஹாசன் நடித்த 'பாசவலை' உள்பட பல படங்களில் நடித்தவருமான நடிகை பிரியா ராமன் விரைவில் பாஜகவில் இணைய உள்ளதாக செய்திகள் வந்துள்ளது
நடிகை பிரியாராமன், 'நேசம் புதிது' என்ற படத்தில் நடித்தபோது நடிகர் ரஞ்சித்தை காதலித்து திருமணம் செய்துகொண்டார். இந்த தம்பதிக்கு இரண்டு குழந்தைகள் இருக்கும் நிலையில் கடந்த 2014ஆம் ஆண்டு கருத்து வேறுபாடு காரணமாக கணவரிடம் இருந்து பிரியாராமன் விவாகரத்து பெற்றார்.
விவாகரத்துக்கு பின் செம்பருத்தி உட்பட பல சீரியல்களில் பிசியாக இருக்கும் நடிகை பிரியா ராமன் விரைவில் பாஜகவில் இணைய உள்ளதாக செய்திகள் வெளிவந்துள்ளது. இதற்காக அவர் ஆந்திர மாநிலத்தில் உள்ள பாஜக பிரமுகர்களை சந்தித்துள்ளதாகவும் இன்னும் ஒரு சில நாட்களில் பிரதமர் மோடி முன்னிலையில் அவர் பாஜகவில் அதிகாரபூர்வமாக இணையப் போவதாக செய்திகள் வெளிவந்துள்ளது
நடிகர் ரஞ்சித் கடந்த சில மாதங்களுக்கு முன் பாமகவில் இருந்து விலகி அதன்பின் தினகரனின் அமமுகவில் இணைந்தார் என்பது தெரிந்ததே