கார் விபத்தில் நூலிழையில் உயிர் பிழைத்த சூர்யா-கார்த்தி நாயகி
- IndiaGlitz, [Monday,February 15 2016]
பிரபல நடிகை ப்ரணிதா நேற்று படப்பிடிப்பு ஒன்றுக்காக 'கம்மம்' என்ற பகுதியில் காரில் சென்று கொண்டிருந்தபோது, திடீரென கார் கட்டுப்பாட்டை இழந்து விபத்துக்குள்ளானது. இந்த விபத்தில் ப்ரணிதா உள்பட காரில் இருந்தவர்கள் அதிர்ஷ்டவசமாக சிறு காயங்களுடன் உயிர் பிழைத்தனர்.
இதுகுறித்து நடிகை ப்ரணிதா தனது சமூக வலைத்தளத்தில் கூறியபோது, 'நாங்கள் சென்ற கார் விபத்துக்குள்ளானதால் பெரும் பதட்டம் ஏற்பட்டது. இருப்பினும் யாருக்கும் பெரிய காயம் இல்லை என்பது ஒரு ஆறுதல். மேலும் விபத்து நடந்த பகுதியில் இருந்த பொதுமக்கள் மிகுந்த அக்கறையுடன் ஆம்புலன்ஸை வரவழைத்து காயமடைந்தவர்கள் சிகிச்சை பெற உதவி செய்தனர். அவர்களுக்கு எனது நன்றி' என்று கூறியுள்ளார்
மேலும் விபத்து நடந்த பகுதியில் இருந்து நடிகை ப்ரணிதா உள்பட படக்குழுவினர்களை அந்த பகுதியில் இருந்த மக்கள் மினிபஸ்ஸில் பத்திரமாக அனுப்பி வைத்தனர் என்பது குறிப்பிடத்தக்கது.