13 வருடம் கழித்து குடும்பத்துடன் டூர் சென்ற நடிகை பூஜா ஹெக்டே… எங்கு தெரியுமா?
- IndiaGlitz, [Friday,February 11 2022]
தமிழ், தெலுங்கு சினிமாவில் முன்னணி நடிகையாக வலம்வரும் நடிகை பூஜா ஹெக்டே தனது குடும்பத்துடன் சுற்றுலா சென்றிருக்கும் புகைப்படம் தற்போது ரசிகர்களின் கவனத்தை ஈர்த்திருக்கிறது.
தெலுங்கில் முன்னணி நடிகையாக வலம்வரும் நடிகை பூஜா ஹெக்டே தற்போது தளபதி விஜய்யுடன் இணைந்து “பீஸ்ட்“ திரைப்படத்தில் நடித்து முடித்துள்ளார். இந்தப் படத்தின் டீசர் காட்சிகள் வெளியாகி ரசிகர்களிடையே பெரும் வரவேற்பை பெற்ற நிலையில் இந்தப் படத்தின் முதல் பாடலான “அரபி குத்து“ பாடல் வரும் காதலர் தினத்திற்கு வெளியாகும் எனப் படக்குழு அறிவித்து இருக்கிறது.
இந்நிலையில் “பீஸ்ட்“ நாயகி பூஜா ஹெக்டே 13 வருடத்திற்குப் பிறகு முதல்முறையாக தனது குடும்பத்துடன் மாலத்தீவுக்குச் சுற்றுலா சென்றுள்ளார். மேலும் இது நீண்ட காலதாமதம் ஆனால் தேவையான ஒன்று எனக்குறிப்பிட்ட அவர் தனது அப்பா, அம்மா, சகோதரர் ஆகியோருடன் எடுத்துக் கொண்ட புகைப்படத்தையும் இன்ஸ்டாகிராம் பக்கத்தில் பதிவிட்டுள்ளார்.
மேலும் இந்த சுற்றுலாவின்போது நடிகை பூஜா ஹேக்டே தனது அம்மாவின் பிறந்த நாளையும் கொண்டாட இருக்கிறாராம். சமீபத்தில் தனியாக மாலத்தீவு சென்ற இவர் தற்போது குடும்பத்துடன் சென்றிருக்கும் புகைப்படங்கள் ரசிகர்களிடையே பாராட்டை குவித்து இணையத்தில் வைரலாகி வருகின்றன.