தமிழ் நடிகை வீட்டில் நடந்த சோகம்: திரையுலகினர் இரங்கல்!
- IndiaGlitz, [Tuesday,May 04 2021]
அஜித் நடித்த ’ஏகன்’ ஜீவா நடித்த ’கோ’ உள்பட ஒரு சில திரைப்படங்களில் நடித்த நடிகையின் சகோதரர் காலமானதாக அறிவிக்கப்பட்டுள்ளதை அடுத்து அவருக்கு திரையுலகினர் இரங்கல் தெரிவித்து வருகின்றனர்.
அஜித் நடித்த ’ஏகன்’ ஜீவா நடித்த ’கோ’ வெங்கட்பிரபு இயக்கிய ’கோவா’ உள்பட ஒருசில தமிழ் திரைப்படங்களிலும் ஹிந்தி மற்றும் மலையாள திரைப்படங்களிலும் நடித்தவர் நடிகை பியா பாஜ்பாய். இவர் தனது சகோதரர் காலமாகி விட்டதாக தனது டுவிட்டரில் தெரிவித்துள்ளதை அடுத்து அவரது ரசிகர்களும் திரையுலகினரும் இரங்கல் தெரிவித்து வருகின்றனர்.
கேவி ஆனந்த் இயக்கத்தில் ஜீவா நடித்த ’கோ’ திரைப்படத்தில் தான் பியா பாஜ்பாய் ரசிகர்கள் மத்தியில் பிரபலமானார். இந்த படத்தின் இயக்குநர் கேவி ஆனந்த் கடந்த சில நாட்களுக்கு முன்னர் கொரோனா வைரசால் பாதிக்கப்பட்டு உயிரிழந்த நிலையில் தற்போது பியா பாஜ்பாயின் சகோதரரும் உயிரிழந்துள்ளார் என்பது குறிப்பிடத்தக்கது.
my brother is no more...
— Pia Bajpiee (@PiaBajpai) May 4, 2021