விக்ரம், ஜோதிகா நடித்த ‘தூள்’ படத்தில் ஒரு முக்கிய வேடத்தில் பரவை முனியம்மா நடித்திருந்தார். பிரபல கிராமிய பாடகியான இவர் இந்த படத்தில் பாடிய ‘சிங்கம் போல’ என்ற பாடல் பட்டிதொட்டியெங்கும் ஹிட்டானது. இந்த படத்தின் வெற்றியை அடுத்து அவர் பல படங்களில் நடிக்கவும் பாடவும் செய்தார்

இந்த நிலையில் கடந்த சில ஆண்டுகளுக்கு உடல்நலமின்றி மருத்துவமனையில் பரவை முனியம்மா அனுமதிக்கப்பட்டிருந்த நிலையில் அன்றைய முதல்வர் ஜெயலலிதா அவருக்கு மாதம் ரூ.6000 உதவித்தொகையாக கிடைக்க உத்தரவிட்டிருந்தார்.

இந்த நிலையில் தற்போது மீண்டும் உடல்நலமின்றி சிகிச்சை பெற்று வரும் பரவை முனியம்மா, தனக்கு ஏதாவது ஒன்று ஆகிவிட்டால் தனது மாற்றுத்திறனாளி மகனுக்கு, தனக்கு கிடைக்கும் உதவித்தொகையை தரவேண்டும் என்று அரசுக்கு அவர் கோரிக்கை வைத்துள்ளார். மரணப்படுக்கையிலும் தன்னை பற்றி கவலைப்படாமல், தனது மகனுக்காக அரசுக்கு கோரிக்கை வைத்துள்ள அந்த தாயுள்ளத்தை அனைவரும் பாராட்டி வருகின்றனர்.