விஜய்யின் எளிமை என்னை சிலிர்க்க வைத்தது. நடிகை பாப்ரி கோஷ்
- IndiaGlitz, [Tuesday,August 09 2016]
இயக்குனர் பரதன் இயக்கத்தில் விஜய் நடித்து வரும் 60வது படத்தில் கீர்த்திசுரேஷ், அபர்ணா விநோத் ஆகியோர் நடித்து வரும் நிலையில் மூன்றாவது நாயகியாக சமீபத்தில் பாப்ரிகோஷ் இணைந்துள்ளார் என்ற செய்தியை ஏற்கனவே பார்த்தோம்.
இந்நிலையில் பாப்ரிகோஷ் இந்த படத்தின் படப்பிடிப்பின்போது விஜய்யுடன் ஏற்பட்ட அனுபவம் குறித்து சமீபத்தில் ஆச்சரியத்துடன் கூறியுள்ளார்.
'விஜய் 60' படத்தின் படப்பிடிப்பின் இடைவெளியில் சாதாரண தரையில் ஒரு பாய் மீது உட்கார்ந்து விஜய் ஓய்வெடுத்து கொண்டிருந்ததாகவும், மிகப்பெரிய நடிகரான அவரது எளிமை குறித்து ஆச்சரியம் அடைந்ததாகவும் கூறினார்.
மேலும் முந்தைய படத்தில் விஜய்யின் தந்தை எஸ்.ஏ.சந்திரசேகரருடன் நடித்த அனுபவங்கள் குறித்து தன்னிடம் விஜய் கேட்டதாகவும் அதற்கு தான் பதிலளித்ததாகவும் பாப்ரிகோஷ் கூறினார்.
மேலும் இந்த படத்தில் விஜய் மீது காதல் கொள்ளும் கேரக்டர் தனக்கு இல்லை என்றும் இருப்பினும் விஜய்யுடன் தனக்கு ஒருசில முக்கிய காட்சிகளும் ஒரு பாடல் காட்சியும் உண்டு என்று தெரிவித்தார்.
மேலும் இந்த படத்தின் ஒரு காட்சியில் 'திருநெல்வேலி' என்ற வார்த்தையை கூற தனக்கு கடினமாக இருந்ததாகவும், ஐந்து டெக்குகளுக்கு பின்னரே அந்த காட்சி ஓகே ஆனதாகவும் அவர் தெரிவித்தார்.