ஆர்.ஆர்.ஆர். படத்தில் ஹாலிவுட் நடிகையின் கேரக்டர் குறித்த அறிவிப்பு!
- IndiaGlitz, [Friday,January 29 2021]
பிரமாண்ட இயக்குனர் எஸ்எஸ் ராஜமவுலி இயக்கி வரும் ஆர்.ஆர்.ஆர் படத்தின் படப்பிடிப்பு இறுதி கட்டத்தில் உள்ளது என்பதும் இந்த படம் வரும் அக்டோபர் 13ஆம் தேதி வெளியாகும் என சமீபத்தில் அதிகாரபூர்வமாக அறிவிக்கப்பட்டது என்பதும் தெரிந்ததே
இந்த நிலையில் ஜூனியர் என்டிஆர் மற்றும் ராம்சரண் தேஜா முக்கிய வேடத்தில் நடித்து வரும் இந்தப் படத்தில் அஜய் தேவ்கான், ஆலியாபட், ஸ்ரேயா உள்பட பல இந்திய நட்சத்திரங்களும், ஒரு சில ஹாலிவுட் நட்சத்திரங்களும் நடித்து வருகிறார்கள் என்பது குறிப்பிடத்தக்கது
இந்த நிலையில் இந்த படத்தில் முக்கிய வேடத்தில் நடித்து வரும் ஹாலிவுட் நடிகை ஒலிவா மோரிஸ் அவர்களின் கேரக்டர் குறித்து அதிகாரப்பூர்வ அறிவிப்பு சற்று முன் வெளியாகி உள்ளது. இவர் இந்த படத்தில் ஜெனிபர் என்ற கேரக்டரில் நடித்து வருவதாக அறிவிக்கப்பட்டதோடு இவருடைய கேரக்டர் குறித்த புகைப்படம் ஒன்றினையும் படக்குழுவினர் வெளியிட்டுள்ளனர். இந்த புகைப்படம் தற்போது வைரலாகி வருகிறது என்பது குறிப்பிடத்தக்கது
கீரவாணி இசையமைத்து வரும் இந்த படம் மிகப்பெரிய எதிர்பார்ப்பை ஏற்படுத்தி உள்ள நிலையில் இந்த ஆண்டின் மிகப்பெரிய வெற்றி படமாக இந்த படம் அமையும் என்றும் எதிர்பார்க்கப்படுகிறது
Presenting @OliviaMorris891 as #Jennifer...:) #RRRMovie #RRR pic.twitter.com/vwvylY7ilc
— rajamouli ss (@ssrajamouli) January 29, 2021