தூத்துகுடி விவகாரத்தில் கைதான நடிகைக்கு ஜாமீன்
- IndiaGlitz, [Friday,June 29 2018]
சமீபத்தில் நடந்த தூத்துகுடி துப்பாகி சூடு சம்பவம் குறித்து கோலிவுட்டில் உள்ள பல நட்சத்திரங்கள் தங்களது கண்டனங்களை தெரிவித்தனர். மேலும் கமல், ரஜினி உள்பட பல நடிகர்கள் தூத்துகுடிக்கு நேரடியாக சென்று துப்பாக்கி சூட்டால் பாதிக்கப்பட்ட மக்களுக்கு ஆறுதல் கூறினர்.
இந்த நிலையில் தூத்துகுடி துப்பாக்கி சூடு சம்பவத்தில் போலீசார் குறித்து சர்ச்சைக்குரிய கருத்து கூறியதாக பிரபல தொலைக்காட்சி சீரியல் நடிகை நிலானி சமீபத்தில் கைது செய்யப்பட்டார். இவர் வெளியிட்டிருந்த வீடியோவில் போலீஸ் உடையணிந்து போலீசார்களை தாக்கி பேசியிருந்தார் என்பது குறிப்பிடத்தக்கது.
கடந்த 22ஆம் தேதி கைது செய்யபட்டு புழல் சிறையில் அடைக்கப்பட்டிருந்த நிலானி, தன்னை ஜாமீனில் வெளியே விட வேண்டும் என்று மனுதாக்கல் செய்திருந்தார். இந்த மனு பரிசீலிக்கப்பட்டு அவருக்கு நிபந்தனை ஜாமீன் வழங்கப்பட்டுள்ளது. அவர் தினமும் வடபழனி காவல்நிலையத்தில் கையெழுத்திட வேண்டும் என்ற நிபந்தனையை சைதாப்பேட்டை நீதிமன்றம் விதித்துள்ளது என்பது குறிப்பிடத்தக்கது.