திருமண அறிவிப்பை வெளியிட்ட 40 வயது தமிழ் நடிகை.. ரசிகர்கள் வாழ்த்து..!
- IndiaGlitz, [Thursday,February 01 2024]
தமிழ் உள்பட தெலுங்கு, கன்னடம், ஹிந்தி திரைப்படங்களில் நடித்த 40 வயது நடிகை தனது திருமண அறிவிப்பை வெளியிட்டுள்ள நிலையில் அவருக்கு ரசிகர்கள் வாழ்த்துக்களை தெரிவித்து வருகின்றனர்.
எஸ் ஜே சூர்யா இயக்கத்தில் உருவான ’அன்பே ஆருயிரே’ என்ற திரைப்படத்தின் மூலம் திரை உலகில் அறிமுகமானவர் நடிகை நிலா. பிரியங்கா சோப்ராவின் உறவினரான இவரது ஒரிஜினல் பெயர் மீரா சோப்ரா.
தமிழில் இவர் ஜாம்பவான், லீ, மருதமலை, காளை, ஜகன்மோகினி, இசை, கில்லாடி உள்ளிட்ட படங்களில் நடித்துள்ளார். அதேபோல் தெலுங்கு, ஹிந்தி மொழிகளிலும் ஒரே ஒரு ஆங்கில திரைப்படத்தில் நடித்துள்ளார். அதுமட்டுமின்றி வெப் தொடரிலும் நடித்துள்ளார் என்பது குறிப்பிடத்தக்கது.
கடந்த சில ஆண்டுகளாக அவருக்கு வாய்ப்புகள் குறைந்ததை அடுத்து தந்தையின் பிசினஸை கவனித்துக் கொண்டிருந்த நிலையில் தற்போது அவர் திருமணத்திற்கு தயாராகி உள்ளார். திருமணம் குறித்த அறிவிப்பை அவர் தனது சமூக வலைதளத்தில் வீடியோவாக வெளியிட்டுள்ள நிலையில் அவருக்கு ரசிகர்கள் வாழ்த்துக்களை தெரிவித்து வருகின்றனர்.