ஜோதிடர் அறிவுரையால் பெயரை மாற்றிய பிரபல நடிகை!
- IndiaGlitz, [Monday,June 08 2020]
தேவர்மகன், பாண்டவர்பூமி போன்ற படங்களில் குழந்தை நட்சத்திரமாகவும், ’திமிரு’ ’மொழி’ ’கஜினிகாந்த் உள்பட பல திரைப்படங்களில் முக்கிய வேடங்களிலும், வாணி ராணி உள்ளிட்ட பல சீரியல்களிலும் நெகட்டிவ் கேரக்டர்களிலும் நடித்து புகழ்பெற்றவர் நடிகை நீலிமா ராணி. இவர் ஜோதிடரின் அறிவுரை காரணமாக தனது பெயரை மாற்றிக் கொண்டதாக தகவல்கள் வெளிவந்துள்ளது
நடிகை நீலிமா ராணி சமீபத்தில் ஜோதிடரின் அறிவுரை கேட்டு தனது பெயரான நீலிமா ராணி என்பதை நீலிமா இசை என்று மாற்றிக் கொண்டதாக செய்திகள் வெளியாகியுள்ளது. இந்த தகவலை அவர் உறுதி செய்துள்ளதாகவும் கூறப்படுகிறது
தற்போது நீலிமா இசை, ’கருப்பங்காட்டு வலசு’ என்ற படத்தில் நடித்து வருவதாகவும் செல்வேந்திரன் என்பவர் இயக்கும் இந்த படத்தில் மூட நம்பிக்கைகள் நிறைந்த ஒரு கிராமத்தை மாற்றும் நவநாகரீக பெண் கேரக்டரில் நடித்து வருவதாகவும் இந்த படம் தனக்கு நல்ல பெயரை பெற்றுத் தரும் என்று தனக்கு நம்பிக்கை இருப்பதாகவும் நீலிமா இசை தெரிவித்துள்ளார்
நீலிமா ராணியின் கணவர் பெயர் இசை வாணன் என்பதால் கணவர் பெயரின் முதல் பகுதியை எடுத்து தன்னுடைய பெயருடன் இணைத்துக் கொண்டதாகவும் கூறப்படுகிறது