சமீபத்தில் சர்வதேச யோகா தினம் கொண்டாடப்பட்டதை அடுத்து பிரதமர் மோடி நாட்டு மக்களிடையே யோகாவின் சிறப்பு குறித்து உரையாற்றினார் என்பதும் பல திரையுலக பிரபலங்கள் யோகா செய்த புகைப்படங்கள் மற்றும் வீடியோக்களை தங்களது சமூக வலைதளங்களில் பதிவு செய்தார்கள் என்பதும் தெரிந்ததே.

இந்த நிலையில் கடந்த 80கள், 90க்ளில் ரஜினிகாந்த் உள்பட பல முன்னணி நடிகர்களுடன் நடித்த நடிகை நதியா தனது இன்ஸ்டாகிராம் பக்கத்தில் யோகா செய்யும் வீடியோ ஒன்றை பதிவு செய்துள்ளார். இந்த வீடியோ தற்போது வைரல் ஆகி வருகிறது.

நதியாவுக்கு தற்போது 54 வயது ஆகி வரும் நிலையில் இந்த வயதிலும் அவர் மிக நேர்த்தியாக யோகா செய்ததன் காரணமாகவே அவர் தனது உடலை கட்டுக்கோப்பாக வைத்து உள்ளார் என்று நெட்டிசன் கமெண்ட் அளித்து வருகின்றனர், இந்த வீடியோவுக்கு நடிகை நதியா, ‘யோகா நம்மை மன அழுத்தத்தில் இருக்கும் மீட்கும்’ என்று கேப்ஷனாக பதிவு செய்துள்ளார் என்பது குறிப்பிடத்தக்கது.

இந்த நிலையில் நடிகை நதியா தற்போது ’த்ரிஷ்யம் 2’ படத்தின் தெலுங்கு பதிப்பில் கீதா பிரபாகர் என்ற காவல்துறை அதிகாரி கேரக்டரில் நடித்து வருகிறார் என்பதும், வெங்கடேஷ், மீனா முக்கிய கேரக்டரில் நடித்து வரும் இந்த படத்தின் படப்பிடிப்பு விறுவிறுப்பாக நடைபெற்று வருகிறது என்பதும் குறிப்பிடத்தக்கது. மேலும் நடிகை நதியா இரண்டு தெலுங்கு படங்களிலும் ஒரு மலையாள படத்திலும் நடித்து வருகிறார் என்பது குறிப்பிடத்தக்கது.

View this post on Instagram

A post shared by Nadiya Moidu (@simply.nadiya)