ஒவ்வொரு ஆண்டும் ஜூன் 20ஆம் தேதி தந்தையர் தினம் கொண்டாடப்பட்டு வருகிறது என்பதும் அன்றைய தினம் திரையுலக பிரபலங்கள் உள்பட பலர் தங்களுடைய சமூக வலைதளங்களில் தந்தையுடன் இணைந்து எடுத்த புகைப்படங்களை பதிவு செய்து, தந்தை குறித்த தங்களது மலரும் நினைவுகளை பதிவு செய்து வருகிறார்கள் என்பதும் குறிப்பிடத்தக்கது

இந்த நிலையில் 80 மற்றும் 90களில் தமிழ் திரையுலகின் கனவு கன்னியாக வலம் வந்த நடிகை நதியா தனது இன்ஸ்டாகிராம் பக்கத்தில் தந்தையுடன் இருக்கும் புகைப்படம் ஒன்றை பதிவு செய்துள்ளார். அதில் அவர் ’தந்தையாகிய உங்களுக்கு மிகவும் மகிழ்ச்சியான தந்தையர் தின வாழ்த்துக்கள்… என் வாழ்க்கையில் நீங்கள் அன்பிற்கும், அக்கறைக்கும் நன்றி’ என பதிவு செய்துள்ளார். இந்த புகைப்படம் தற்போது வைரலாகி வருகிறது என்பது குறிப்பிடத்தக்கது

நடிகை நதியா தற்போது ’த்ரிஷ்யம் 2’ படத்தின் தெலுங்கு பதிப்பில் கீதா பிரபாகர் என்ற காவல்துறை அதிகாரி கேரக்டரில் நடித்து வருகிறார் என்பதும், வெங்கடேஷ், மீனா முக்கிய கேரக்டரில் நடித்து வரும் இந்த படத்தின் படப்பிடிப்பு விறுவிறுப்பாக நடைபெற்று வருகிறது என்பதும் குறிப்பிடத்தக்கது. மேலும் நடிகை நதியா இரண்டு தெலுங்கு படங்களிலும் ஒரு மலையாள படத்திலும் நடித்து வருகிறார் என்பது தெரிந்ததே.