கணவருடன் சமீபத்தில் திருமணமான தமிழ் நடிகை: வைரல் புகைப்படம்!
- IndiaGlitz, [Saturday,March 27 2021]
பிரபல தமிழ் நடிகை ஒருவருக்கு கடந்த சில மாதங்களுக்கு முன்னர் திருமணம் நடந்த நிலையில் தற்போது கணவருடன் அந்த நடிகை இருக்கும் புகைப்படம் வைரலாகி வருகிறது
தமிழில் ஆர்யாவின் சகோதரர் நடித்த ’அமரகாவியம்’ என்ற திரைப்படத்தின் மூலம் அறிமுகமானவர் நடிகை மியா ஜார்ஜ். அதன் பின்னர் விஷ்ணு விஷாலின் ’இன்று நேற்று நாளை’ சசிகுமாரின் ’வெற்றிவேல்’ தினேஷின் ’ஒரு நாள் கூத்து’ விஜய் ஆண்டனியின் ‘எமன்’ உள்பட ஒருசில படங்களில் மியா ஜார்ஜ் நடித்துள்ளார். மேலும் மலையாளத்தில் பல படங்களில் நடித்துள்ள இவர் தற்போது விக்ரம் நடித்துவரும் ’கோப்ரா’ என்ற படத்தில் முக்கிய வேடத்தில் நடித்துள்ளார் என்பது குறிப்பிடத்தக்கது
இந்த நிலையில் மியா ஜார்ஜுக்கும் அஸ்வின் என்பவருக்கும் கடந்த ஆண்டு செப்டம்பர் மாதம் திருமணம் நடைபெற்றது. இருவீட்டார் சம்மதத்துடன் நடைபெற்ற இந்த திருமணத்திற்கு திரையுலக பிரபலங்கள் பலர் நேரில் சென்று வாழ்த்துக்களை தெரிவித்தனர்.
இந்த நிலையில் கணவருடன் மியா ஜார்ஜ் இருக்கும் புகைப்படம் தற்போது சமூக வலைதளங்களில் வைரலாகி வருகிறது. இந்த புகைப்படத்தை பார்த்த ரசிகர்கள் இருவரும் பொருத்தமான ஜோடி என வாழ்த்து தெரிவித்து வருகின்றனர்.