நடிகை மதுபாலாவுக்கு இவ்வளவு பெரிய மகள்களா? விரைவில் ஹீரோயின் ஆவார்களா?
- IndiaGlitz, [Sunday,June 19 2022]
உலகம் முழுவதும் இன்று தந்தையர் தினம் கொண்டாடப்பட்டு வரும் நிலையில் நடிகை மதுபாலாவின் மகள்கள் தனது தந்தைக்கு வாழ்த்து கூறிய புகைப்படத்தை தனது இன்ஸ்டாகிராம் பக்கத்தில் மதுபாலா பதிவு செய்துள்ளார்.
கே பாலச்சந்தர் இயக்கிய ’அழகன்’ என்ற திரைப்படத்தின் மூலம் தமிழில் நடிகையாக அறிமுகமானவர் மதுபாலா. அதன்பின் மணிரத்னம் இயக்கிய ’ரோஜா’ ஷங்கர் இயக்கிய ’ஜென்டில்மேன்’ உள்பட பல படங்களில் அவர் நடித்துள்ளார். கடந்த ஆண்டு வெளியான ‘தலைவி’ திரைப்படத்தில் ஜானகி ராமச்சந்திரன் கேரக்டரில் நடித்திருந்தார் என்பதும், தற்போதும் அவர் கன்னட மலையாள தெலுங்கு திரைப்படங்களில் நடித்து வருகிறார் என்பதும் குறிப்பிடத்தக்கது.
நடிகை மதுபாலா கடந்த 1999ஆம் ஆண்டு ஆனந்த் ஷா என்பவரை திருமணம் செய்து கொண்டார். இந்த தம்பதிக்கு அமையா, கெயா மற்றும் ஆகிய இரண்டு மகள்கள் உள்ளனர் என்பது குறிப்பிடத்தக்கது.
இந்த நிலையில் சமூக வலைதளங்களில் ஆக்டிவ்வாக இருக்கும் மதுபாலா அவ்வப்போது தனது புகைப்படங்கள் மற்றும் வீடியோக்களை பதிவு செய்து வருவார். அந்த வகையில் சற்று முன் தனது மகள்கள் இருவரும் தங்களது தந்தைக்கு தந்தையர் தின வாழ்த்துக் கூறிய புகைப்படத்தை மதுபாலா தனது இன்ஸ்டாகிராமில் பதிவு செய்துள்ளார்.
இந்த புகைப்படத்தை பார்த்த ரசிகர்கள் நடிகை மதுபாலாவுக்கு இவ்வளவு பெரிய மகள்களா? என்றும், விரைவில் ஹீரோயின்களாக பார்க்கலாமா? என்றும் கமெண்ட்ஸ் பகுதியில் பதிவு செய்து வருகின்றனர். இந்த புகைப்படம் தற்போது வைரலாகி வருகிறது.