மகளை கல்லூரியில் சேர்ப்பதற்காக மோசடியில் ஈடுபட்ட பிரபல நடிகை மற்றும் அவருடைய கணவருக்கு ஜெயில் தண்டனை மற்றும் ரூ.3.74 கோடி அபராதம் விதித்து இருப்பது பெரும் பரபரப்பை ஏற்படுத்தி உள்ளது.

பிரபல ஹாலிவுட் நடிகை லோரி லாஹ்லின். இவர் பல ஆங்கில திரைப்படங்களிலும் தொலைக்காட்சி தொடர்களிலும் நடித்துள்ளார். இந்த நிலையில் இவரும் இவருடைய கணவரும் சேர்ந்து தங்களுடைய மகளை சதர்ன் கலிபோர்னியா பல்கலைக்கழகத்தில் சேர்ப்பதற்காக மோசடியில் ஈடுபட்டதாக தெரிகிறது. அவர்கள் மகளுக்கு சீட் கிடைக்க போலியான ஆவணங்களை தயார் செய்தது உறுதிசெய்யப்பட்டது.

இதனை அடுத்து தொடரப்பட்ட வழக்கில் நடிகை லோரி லாஹ்லின் அவர்களுக்கு இரண்டு மாத ஜெயில் தண்டனையும் அவரது கணவருக்கு 5 மாத ஜெயில் தண்டனை விதித்துதோடு இருவருக்கும் சேர்த்து 5 லட்சம் டாலர் அபராதம் விதிக்கப்பட்டது. இது கிட்டத்தட்ட இந்திய மதிப்பில் ரூபாய் 3.74 கோடி என்பது குறிப்பிடத்தக்கது. இந்த தீர்ப்பு பெரும் பரபரப்பை ஏற்படுத்தி உள்ளது.