సోషల్ మీడియా వచ్చిన తర్వాత నెటిజన్లకు టార్గెట్‌గా మారుతున్నారు సెలబ్రిటీలు. చిన్న పోస్ట్ చేయడం పాపం.. అయినదానికి కానిదానికి వాళ్లను ట్రోల్ చేస్తున్నారు. దీంతో ప్రముఖులు సంజాయిషీ ఇచ్చుకోవాల్సి వస్తోంది. తాజాగా నెటిజన్ల ట్రోలింగ్‌తో చిర్రెత్తుకొచ్చుకొచ్చిన సినీనటి లావణ్య త్రిపాఠి గట్టి కౌంటరిచ్చారు.

అసలేం జరిగిందంటే.. ఇటీవల త‌మిళ‌నాడులో క్రైస్త‌వ మ‌తం స్వీక‌రించ‌నందుకు కొంద‌రు లావ‌ణ్య అనే మైన‌ర్ బాలిక‌ను వేధింపుల‌కు గురి చేయగా ఆ బాలిక ఆత్మ‌హ‌త్యకు పాల్పడింది. దీంతో మ‌త మార్పిళ్ల‌కు వ్య‌తిరేకంగా సోష‌ల్ మీడియాలో పోస్టులు పెడుతూ... చనిపోయిన మైన‌ర్ బాలిక‌కు న్యాయం జ‌ర‌గాలని నెటిజన్లు కోరుతున్నారు. ఈ క్ర‌మంలో సోష‌ల్ మీడియాలో లావ‌ణ్య పేరుతో పాటు లావణ్య త్రిపాఠిని కూడా హ్యాష్ ట్యాగ్ క్రియేట్ చేసి వైరల్ చేస్తున్నారు.

దీనికి ఓ నెటిజ‌న్ రియాక్ట్ అవుతూ.. లావణ్య త్రిపాఠి హ్యాష్‌ట్యాగ్‌ని వాడొద్దని సూచించారు. ఆమె నటి.. చ‌నిపోయిన లావణ్య తమిళనాడుకి చెందిన ఒక సాధారణ అమ్మాయి. ఆ మైన‌ర్ బాలిక ధ‌ర్మం కోసం చ‌నిపోతే, ఆమెను చీప్ న‌టితో ఎందుకు పోలుస్తున్నారంటూ పోస్ట్ చేశాడు. దీనికి లావణ్య త్రిపాఠి ఘాటుగా బదులిచ్చింది. ఏదైనా చెడు సంఘటన జరిగినప్పుడు మాత్రమే నీలాంటి వాళ్లు మహిళలను గౌరవిస్తారంటూ ఆమె వ్యాఖ్యానించారు. అంతకు ముందు నీలాంటి వాళ్లే మహిళలను చీప్ అంటారని.. అంద‌రిని గౌర‌వించ‌డం నేర్చుకోవాలని లావణ్య త్రిపాఠి హితవు పలికారు. స‌మాజంలో వాస్త‌వ ప‌రిస్థితి ఇదేనంటూ ఆమె స్ట్రాంగ్ రిప్లయ్ ఇచ్చారు.

Why do men like you start respecting women when something horrible happens, before that they call them cheap.. Learn to respect everyone!
Extremely unfortunate incident, but this is the reality of our society. https://t.co/nGVshvWeCk

— LAVANYA (@Itslavanya) January 31, 2022