பிரபல இயக்குனரின் அடுத்த திரைப்படத்தில் நடிகை லைலா.. அதிகாரபூர்வ அறிவிப்பு..!
- IndiaGlitz, [Thursday,March 09 2023]
அஜித், சூர்யா, விக்ரம் உள்பட பல முன்னணி நடிகர்களுடன் கடந்த 90களில் பிரபல நடிகையாக இருந்தவர் லைலா என்பதும் இவர் நடித்த பல படங்கள் சூப்பர் ஹிட் என்பதும் தெரிந்ததே. குறிப்பாக ’பிதாமகன்’ திரைப்படத்தில் இவர் நடித்த மஞ்சு என்ற கேரக்டர் ரசிகர்களை பெரும் அளவு கவர்ந்தது என்பது தெரிந்தது.
இந்த நிலையில் நீண்ட இடைவெளிக்கு பின்னர் சமீபத்தில் கார்த்தி நடித்த ’சர்தார்’ திரைப்படத்தில் ஒரு முக்கிய வேடத்தில் லைலா நடித்திருந்தார் என்பதும் அவருடைய கேரக்டருக்கு பாசிட்டிவ் விமர்சனங்கள் குவிந்தன என்பதும் தெரிந்ததே.
இந்த நிலையில் தற்போது அவர் நடிக்க இருக்கும் மேலும் ஒரு திரைப்படம் குறித்த அதிகாரப்பூர்வ அறிவிப்பு வெளியாகி உள்ளது. ’ஈரம்’ இயக்குனர் அறிவழகன் இயக்கத்தில் ஆதி நடிப்பில் உருவாகி வரும் திரைப்படம் ’சப்தம்’. இந்த படத்தின் படப்பிடிப்பு விறுவிறுப்பாக நடைபெற்று வரும் நிலையில் இந்த படத்தின் முக்கிய கேரக்டரில் நடிக்க லைலா இணைந்து உள்ளார் என இயக்குனர் அறிவழகன் தனது சமூக வலைதளத்தில் தெரிவித்துள்ளார்.
7ஜி பிலிம்ஸ் சிவா மற்றும் ஆல்பா பிரேம்ஸ் ஆகிய நிறுவனங்கள் தயாரிக்கும் இந்த படத்திற்கு தமன் இசையமைத்து வருகிறார். இந்த படத்தின் பர்ஸ்ட் லுக் போஸ்டர் சமீபத்தில் வெளியாகி இணையதளங்களில் வைரலானது என்பது குறிப்பிடத்தக்கது.
We welcome the evergreen actor @lailalaughs joins d sets of #Sabdham in new dimension
— Arivazhagan (@dirarivazhagan) March 9, 2023
Starring @AadhiOfficial
An @dirarivazhagan Film
A @MusicThaman Musical
Produced by @7GFilmsSiva & @Aalpha_frames.@Dop_arunbathu @EditorSabu @Manojkennyk @_STUNNER_SAM @teamaimpr @decoffl pic.twitter.com/rzXGkSjlJX