நடிகை கஸ்தூரி தலைமறைவா? செல்போன் சுவிட்ச் ஆஃப் என தகவல்..!
- IndiaGlitz, [Sunday,November 10 2024]
நடிகை கஸ்தூரி தலைமறைவாக இருப்பதாகவும், அவருடைய செல்போன் சுவிட்ச் ஆப் செய்யப்பட்டு இருப்பதாகவும் கூறப்படுவது பரபரப்பை ஏற்படுத்தியுள்ளது.
கடந்த சில நாட்களுக்கு முன் சென்னையில் நடந்த நிகழ்ச்சி ஒன்றில் கஸ்தூரி கலந்து கொண்ட போது, தெலுங்கு பேசும் மக்கள் குறித்து சர்ச்சைக்குரிய வகையில் பேசியதாக குற்றம் சாட்டப்பட்டது. இதனை அடுத்து, அவர் மீது பல்வேறு காவல் நிலையங்களில் வழக்கு பதிவு செய்யப்பட்ட நிலையில், சென்னை எழும்பூர் காவல் நிலையத்தில் நான்கு பிரிவுகளில் வழக்கு பதிவு செய்யப்பட்டது.
இதனை அடுத்து, அவரை விசாரணை செய்ய சம்மன் கொடுக்க காவல்துறையினர் வந்தபோது, சம்மனை பெறாமல், பின்வாசல் வழியாக கஸ்தூரி காரில் ஏறிச் சென்றுவிட்டதாகவும், அவரது செல்போன் சுவிட்ச் ஆப் செய்யப்பட்டுள்ளதாக கூறப்படுகிறது.
மேலும், அவர் தற்போது தலைமறைவாக இருப்பதாக கூறப்படுவதால் எந்த நேரமும் அவர் கைது செய்யப்படுவார் என்றும் காவல்துறை வட்டாரங்கள் கூறுவது பரபரப்பை ஏற்படுத்தியுள்ளது.