ஜெயா டிவி ரெய்டு நடக்கும்ன்னு நினைச்சேன்: நடிகை கஸ்தூரி
- IndiaGlitz, [Thursday,November 09 2017]
கடந்த சில மாதங்களாகவே அரசியல் குறித்து தனது பரபரப்பான கருத்துக்களை தெரிவித்து வருபவர் நடிகை கஸ்தூரி. கமல், ரஜினி அரசியல் முதல் அதிமுக திமுக அரசியல் வரை தனது கருத்துக்களை காரசாரமாக டுவிட்டரிலும், பேட்டிகளிலும், தொலைக்காட்சி விவாதங்களிலும் கூறி வருகிறார்
இந்த நிலையில் இன்று காலை முதல் ஜெயா டிவி உள்பட பல்வேறு இடங்களில் வருமான வரித்துறை அலுவலக அதிகாரிகள் சோதனை செய்து வருகின்றனர். இதுகுறித்து தனது டுவிட்டரில் கஸ்தூரி கூறிய கருத்து இதுதான்: மோடி கலைஞர் வீட்டுக்குள்ள நுழைஞ்சப்பவே நினைச்சேன்... ஐடி ஆபிஸருங்க ஜெயா டிவிக்குள்ள நுழைவாங்கன்னு' என்று கூறினார். மேலும் ஆர்.கே.நகர் தேர்தல் தேதி மிக விரைவில் அறிவிக்கப்படும் என்றும் நான் எதிர்பார்க்கின்றேன்' என்றும் நடிகை கஸ்தூரி தெரிவித்துள்ளார்.
கஸ்தூரியின் இந்த டுவீட்டுக்கு பதில் கூறியுள்ள ஒரு டுவிட்டர் பயனாளி, 'உங்கள் வீட்டுக்கு ஐடி ரெய்டு வந்தால் என்ன நடக்கும்? என்று கேட்க அதற்கு கஸ்தூரி, 'என் வீட்டில் ஐடி ரெய்டு முடிந்த பின்னர் ஐடி ஆபீசர்கள் எனக்கு நன்கொடை கொடுத்துவிட்டு செல்வார்கள்' என்று நகைச்சுவையாக பதில் கூறியுள்ளார்.