திமுக எம்.எல்.ஏ அன்பழகன் தனது தொகுதியான சேப்பாக்கம்-திருவல்லிக்கேணியில் இருந்து வெளிமாநிலத்திற்கு நீட் தேர்வு எழுத செல்லும் மாணவர்களுக்கு ரூ.1000 தருவதாக தனது சமூக வலைத்தளத்தில் அறிவித்துள்ளார். 

இந்த அறிவிப்பு குறித்து நடிகை கஸ்தூரி தனது சமூக வலைத்தளத்தில் குறிப்பிடும்போது, 'ஓட்டுக்கு ஐயாயிரம் கொடுக்கும் அரசியல்வாதிகள் நீட்டுக்கு ரூ.1000 கொடுப்பதா? என வறுத்தெடுத்துள்ளார். இவரது டுவீட்டுக்கு பெரும் ஆதரவு குவிந்து வருகிறது. அதே நேரத்தில் தமிழக மாணவர்களின் இந்த நிலைக்கு காரணமான மத்திய அரசை நடிகை கஸ்தூரி விமர்சனம் செய்யாமல் ரூ.1000 கொடுத்து உதவி செய்யும் தமிழக அரசியல்வாதிகளை விமர்சிப்பது ஏன்? என்றும் ஒருசிலர் கேள்வி எழுப்பியுள்ளனர்.

இதனையடுத்து உடனே நடிகை கஸ்தூரி சி.பி.எஸ்.இ மற்றும் மத்தியில் ஆளும் பாஜக அரசையும் கண்டித்து ஒரு டுவீட்டை பதிவு செய்துள்ளார் என்பது குறிப்பிடத்தக்கது.