தயாரிப்பு, இயக்கத்தில் களமிறங்கும் முன்னணி நடிகை!
- IndiaGlitz, [Monday,June 08 2020]
ஒரு முன்னணி நடிகை, தயாரிப்பு மற்றும் இயக்கத்தில் களமிறங்குவது மிக அரிதாகவே இந்திய திரையுலகில் நடைபெற்று வரும் நிலையில் தற்போது முன்னணி நடிகை ஒருவர் ஒரு திரைப்படத்தை தயாரித்து இயக்க உள்ளதாக வெளி வந்துள்ள தகவல் பெரும் பரபரப்பை ஏற்படுத்தி உள்ளது
ஜெயம் ரவி நடித்த ’தாம் தூம்’ என்ற தமிழ் படத்திலும் பாலிவுட்டில் முன்னணி நடிகையாகவும் இருந்து வரும் நடிகை கங்கனா ரணவத், தற்போது ஜெயலலிதாவின் வாழ்க்கை வரலாறு திரைப்படமான ’தலைவி’ என்ற படத்தில் நடித்து வருகிறார் என்பது தெரிந்ததே.
இந்த நிலையில் நடிகை கங்கனா ரனாவத் ஒரு தயாரிப்பு நிறுவனத்தை தொடங்கியுள்ளார். இந்த நிறுவனத்தின் முதல் படமாக ’அபராஜிதா அயோத்யா’ என்ற டைட்டிலில் உருவாக உள்ளது. இந்தியாவில் பெரும் பரபரப்பை ஏற்படுத்திய அயோத்தி ராமர் கோவில் வழக்கு பற்றிய திரைப்படம் இது என்றும் இந்த படத்தை தயாரித்து கங்கனா ரனாவத்தே இயக்க உள்ளார் என்பது குறிப்பிடத்தக்கது
இந்த திரைப்படத்தின் திரைக்கதையை ’பாகுபலி’ இயக்குனர் எஸ்எஸ் ராஜமவுலியின் தந்தை விஜயேந்திர பிரசாத் எழுத உள்ளார் என்பது குறிப்பிடத்தக்கது. இந்த படத்தை தயாரித்து இயக்கினாலும் கங்கனா ரணவத் இந்த படத்தில் நடிக்கப் போவதில்லை என்று கூறப்படுகிறது