தளபதி விஜய் நடிப்பில் இயக்குனர் அட்லி இயக்கத்தில் உருவாகி வரும் 'தளபதி 63' படத்தின் படப்பிடிப்பு விறுவிறுப்பாக நடந்து வருவது தெரிந்ததே. இந்த படத்திற்காக சென்னை அருகே பிரமாண்டமான கால்பந்து மைதானம் செட் போடப்பட்டு வருகிறது. இங்கு இந்த படத்தின் முக்கிய காட்சிகள் படமாக்கப்படவுள்ளன.

இந்த நிலையில் இந்த படத்தில் நீண்ட இடைவெளிக்கு பின் விஜய்க்கு ஜோடியாக நயன்தாரா நடித்து வருகிறார். மேலும் இந்த படத்தில் நயன்தாராவை தவிர வேறு ஹீரோயின் யாரும் நடிக்கவில்லை என்றும் கூறப்பட்டது.

இந்த நிலையில் இந்த படத்தில் தற்போது 'மேயாத மான்' நாயகி இந்துஜா இணைந்துள்ளார். இவர் இந்த படத்தில் ஒரு முக்கிய கேரக்டரில் நடிக்கவுள்ளதாகவும், அவருடைய காட்சிகளின் படப்பிடிப்பு தொடங்கிவிட்டதாகவும் செய்திகள் வெளிவந்துள்ளது.

பெண்கள் கால்பந்து விளையாட்டு குறித்த கதையம்சம் கொண்ட இந்த படத்தில் விஜய் கால்பந்து பயிற்சியாளராக நடிக்கின்றார். இந்த படத்தில் விஜய், நயன்தாரா, ஜாக்கி ஷெராஃப், யோகிபாபு, கதிர், விவேக், டேனியல் பாலாஜி, ஆனந்த்ராஜ், உள்ளிட்ட பலர் நடித்து வருகின்றனர்.

இசைப்புயல் ஏ.ஆர்.ரஹ்மான் இசையமைத்து வரும் இந்த படம் விஷ்ணு ஒளிப்பதிவில் ரூபன் படத்தொகுப்பில் உருவாகி வருகிறது. வரும் தீபாவளி அன்று வெளியாகும் என எதிர்பார்க்கப்படும் இந்த படத்தை பெரும் பொருட்செலவில் ஏஜிஎஸ் நிறுவனம் தயாரித்து வருகிறது.