ஒரே ஒரு காட்சிக்காக 14 மணி நேரம் தண்ணீரில் இருந்த கமல், சிவகார்த்திகேயன் பட நடிகை..!
- IndiaGlitz, [Monday,June 12 2023]
ஒரே ஒரு காட்சிக்காக கமல்ஹாசன், சிவகார்த்திகேயன் படத்தில் நடித்து வரும் நடிகை 14 மணி நேரம் தண்ணீரில் இருந்ததாக கூறப்படுவது ரசிகர்களுக்கு ஆச்சரியத்தை ஏற்படுத்தியுள்ளது.
‘தீரன் அதிகாரம் ஒன்று’ ’தேவ்’ ’என்ஜிகே’ உட்பட சில தமிழ் படங்களிலும் தெலுங்கு இந்தி படங்களிலும் நடித்தவர் நடிகை ரகுல் ப்ரீத் சிங். இவர் தற்போது கமல்ஹாசனின் ’இந்தியன் 2’ மற்றும் சிவகார்த்திகேயனின் ’அயலான்’ படங்களில் நடித்து வருகிறார்.
இந்த நிலையில் ’ஐ லவ் யூ’ என்ற தெலுங்கு மற்றும் இந்தியில் உருவாகும் படத்தில் ரகுல் ப்ரீத் சிங் நடித்து முடித்துள்ள நிலையில் இந்த படம் ஜியோ சினிமாவில் வரும் 16ஆம் தேதி வெளியாக உள்ளது. இந்த நிலையில் இந்த படத்தின் புரமோஷன் நிகழ்ச்சியில் நடிகை ரகுல் ப்ரீத்தி சிங் கூறியபோது ’இந்த படத்தில் இடம்பெற்ற ஒரு காட்சிக்காக தான் 14 மணி நேரம் தண்ணீரில் நின்றதாக கூறியுள்ளார். தண்ணீரில் இரண்டு நிமிடங்கள் மூச்சை அடக்கியபடி ஒரு காட்சியில் இருக்க வேண்டும் என்றும், இந்த காட்சிக்காக பயிற்சியாளர் ஒருவர் தனக்கு பயிற்சி அளித்ததாகவும் ஒரு மாதமாக தினமும் இந்த பயிற்சியை மேற்கொண்டதாகவும் அவர் தெரிவித்தார்.
மதியம் 2 மணியிலிருந்து அதிகாலை 4 மணி வரை கிட்டத்தட்ட 14 மணிநேரம் தண்ணீருக்குள் இந்த காட்சிக்காக இருந்ததாகவும் கடும் குளிரில் இருந்த நிலையில் ஒவ்வொரு ஷாட் முடிந்ததும் வெதுவெதுப்பான நீரை தன் மீது ஊற்றுவார்கள் என்று இந்த காட்சியை நடித்து முடிப்பதில் தனக்கு மிகப்பெரிய சவாலாக இருந்தது என்றும் தெரிவித்துள்ளார்.