நடிகை இலியானா திருமணம் செய்து கொண்டதாக இதுவரை அதிகாரபூர்வ அறிவிப்பு வெளியாகாத நிலையில் சமீபத்தில் அவர் கர்ப்பமானதாக அறிவித்தது பரபரப்பை ஏற்படுத்தியது.

தனது இன்ஸ்டாகிராம் பக்கத்தில் நான் கர்ப்பமாக இருப்பதாகவும் விரைவில் தனது குழந்தையை பார்க்க ஆர்வத்துடன் இருப்பதாகவும் அறிவித்திருந்தார். இதையடுத்து அவருடைய கர்ப்பத்திற்கு காரணம் யார்? அவரது கணவர் யார்? என்பது குறித்த கேள்விகளை ரசிகர்கள் எழுப்பினர்.

இந்த நிலையில் தற்போது மீண்டும் தனது இன்ஸ்டாகிராம் பக்கத்தில் கர்ப்பமான வயிற்றை வீடியோ எடுத்து வெளியிட்டுள்ளார். அந்த வீடியோவில் இலியானா படுக்கையில் உட்கார்ந்து தேநீர் குடிப்பது போன்றும், அவர் எதிரில் ஒரு பூனை உட்கார்ந்திருப்பது போன்றும் உள்ளது. இதையடுத்து கேமிரா அவரது கர்ப்பமான வயிற்றை படம் பிடிப்பதோடு இந்த வீடியோ முடிவுக்கு வருகிறது.

நடிகை இலியானா கடந்த சில ஆண்டுகளுக்கு முன்னர் புகைப்படக் கலைஞர் ஆண்ட்ரூ நீபோன் என்பவரை காதலித்து வந்ததாகவும் அதன் பின் திடீரென அந்த காதல் முடிவுக்கு வந்ததாகவும் கூறப்பட்டது. இதையடுத்து நடிகை கத்ரீனா கைஃப் சகோதரர் செபாஸ்டியன் லாரன்ட் மிச்செல் என்பவருடன் இலியானா டேட்டிங்கில் இருப்பதாக கூறப்பட்டது. இருப்பினும் இந்த காதல் குறித்து இருவரும் இன்னும் அதிகாரபூர்வமாக தெரிவிக்கவில்லை என்பது குறிப்பிடத்தக்கது.