6 நாட்களுக்கு பின் குழந்தை பிறந்ததை அறிவித்த இலியானா.. க்யூட் புகைப்படம் வைரல்..!
- IndiaGlitz, [Sunday,August 06 2023]
நடிகை இலியானாவுக்கு ஆகஸ்ட் ஒன்றாம் தேதி குழந்தை பிறந்த நிலையில் அந்த குழந்தையின் புகைப்படத்துடன் கூடிய அறிவிப்பை சற்றுமுன் வெளியிட்டுள்ள நிலையில் அந்த க்யூட் புகைப்படம் தற்போது வைரல் ஆகி வருகிறது.
தமிழ், தெலுங்கு திரையுலகின் முன்னணி நடிகைகளில் ஒருவர் இலியானா. தமிழில் ’கேடி’ ’நண்பன்’ உட்பட சில படங்களிலும் தெலுங்கு மற்றும் இந்தி படங்களிலும் நடித்துள்ளார்.
இந்த நிலையில் திருமணம் ஆகாத இலியானா திடீரென தான் கர்ப்பமாக இருப்பதாக இன்ஸ்டாகிராமில் அறிவித்தார். இருப்பினும் அவரது கர்ப்பத்திற்கு யார் காரணம் என்பதை அவர் தெரிவிக்கவில்லை.
இந்த நிலையில் அவ்வப்போது தனது கர்ப்பிணி புகைப்படத்தை அவர் தனது இன்ஸ்டாகிராமில் பதிவு செய்த நிலையில் சற்றுமுன் ஆகஸ்ட் ஒன்றாம் தேதி தனக்கு ஆண் குழந்தை பிறந்துள்ளதாகவும் அதை விவரிக்க தனக்கு வார்த்தைகளே இல்லை என்றும் மகிழ்ச்சியுடன் குறிப்பிட்டுள்ளார்.
மேலும் தனது குழந்தையின் பெயர் ’KOA PHOENIX DOLAN’ என்றும் அவர் தெரிவித்துள்ளார். குழந்தையின் முகத்தை காண்பிக்கும் வகையில் உள்ள புகைப்படத்தையும் அவர் பதிவு செய்துள்ள நிலையில் அவருக்கு ரசிகர்கள், திரையுலக பிரபலங்கள் வாழ்த்துக்களை தெரிவித்து வருகின்றனர்.