கொலைவெறியில் ரத்தம் சொட்ட சொட்ட வெட்டும் ஹனிரோஸ்.. மிரட்டும் ஃபர்ஸ்ட் லுக் போஸ்டர்..!
- IndiaGlitz, [Saturday,July 15 2023]
தமிழ், தெலுங்கு, மலையாள நடிகையான ஹனிரோஸ் நடிக்கும் புதிய படத்தின் பர்ஸ்ட் லுக் போஸ்டர் வெளியாகி உள்ள நிலையில் அவர் வெறித்தனமாக ரத்தம் சிந்த சிந்த மாட்டுக்கறி வெட்டும் காட்சி உள்ளதை அடுத்து ரசிகர்கள் இதை வைரல் ஆக்கி வருகின்றனர்.
தமிழில் ’முதல் கனவே’ என்ற திரைப்படத்தின் மூலம் அறிமுகமான நடிகை ஹனிரோஸ், அதன்பிறகு ’சிங்கம் புலி’ ’மல்லுக்கட்டு’ ’கந்தர்வன்’ ’பட்டாம்பூச்சி’ உள்ளிட்ட திரைப்படங்களில் நடித்தார். மேலும் ஏராளமான மலையாள படங்களில் நடித்துள்ளார் என்பதும், சமீபத்தில் வெளியாகி வெற்றி பெற்ற ‘வீரசிம்ஹா ரெட்டி’ என்ற திரைப்படத்தில் என்டிஆர் பாலகிருஷ்ணனுக்கு ஜோடியாகவும் அம்மாவாகவும் நடித்திருந்தார்.
இந்த நிலையில் அவர் தற்போது நாயகிக்கு முக்கியத்துவம் உள்ள படம் ஒன்றில் நடிக்க உள்ளார். ’ரேச்சேல்’ என்று டைட்டில் வைக்கப்பட்டுள்ள இந்த படத்தின் மோஷன் போஸ்டர் வெளியாகி உள்ள நிலையில் அதில் மாட்டை ரத்தம் சிந்த சிந்த கத்தியால் வெட்டும் போஸ் கொடுத்த காட்சிகள் உள்ளன. இந்த ஃபர்ஸ்ட் லுக் மோஷன் போஸ்டர் மிரட்டும் வகையில் உள்ளதாக கூறப்படுகிறது.
அறிமுக இயக்குனர் ஆனந்தினி பாலா என்பவர் இயக்கும் இந்த படத்திற்கு சந்துரு செல்வராஜ் என்பவர் இசையமைக்க உள்ளார். பாவாடை மற்றும் ஜாக்கெட் அணிந்து கொலை வெறியுடன் ஹனிரோஸ் மிரட்டும் ’ரேச்சேல்’ திரைப்படம் தமிழ், தெலுங்கு, மலையாளம், கன்னடம், ஹிந்தி என பான் - இந்திய படமாக உருவாக உள்ளது என்பது குறிப்பிடத்தக்கது.