நள்ளிரவில் ஹன்சிகா செய்தது என்ன? வைரலாகும் வீடியோ
- IndiaGlitz, [Tuesday,July 12 2016]
நடிகை ஹன்சிகா திரைப்படங்களில் நடிப்பது மட்டுமின்றி சமூக சேவையிலும் ஈடுபடும் தன்மை கொண்டவர் என்பதை அவ்வப்போது வரும் செய்திகளை பார்த்து வருகிறோம். தனது ஒவ்வொரு பிறந்த நாளின்போது ஒரு குழந்தையை தத்து எடுத்து ஹன்சிகா வளர்த்து வருகிறார் என்பதும் தெரிந்ததே.
இந்நிலையில் சென்னையில் சாலையோரங்களில் தூங்கும் ஏழை எளிய மக்களுக்கு உதவி செய்ய முடிவு செய்த ஹன்சிகா, நள்ளிரவில் அவர்கள் இருக்கும் இடத்திற்கு தேடி சென்று தூங்கிக்கொண்டிருக்கும் பொதுமக்களின் அருகே போர்வை மற்றும் தண்ணீர் பாட்டில்களை வைத்துள்ளார்.
தூங்குபவர்களை எழுப்ப மனமில்லாமல் போர்வை மற்றும் தண்ணீர் பாட்டில்களை அவர்கள் அருகே வைத்துவிட்டு விழித்திருப்பவர்களுக்கு மட்டும் கையில் கொடுத்துள்ளார். இதுகுறித்த வீடியோ ஒன்று தற்போது சமூக இணையதளங்களில் மிக வேகமாக பரவி வருகிறது. ஏழை எளிய மக்களுக்கு உதவி செய்யும் ஹன்சிகாவின் சேவையை பலர் சமூக இணையதளங்களில் பாராட்டி வருகின்றனர்.