திருமணத்திற்கு பின் மீண்டும் ரீஎண்ட்ரி ஆன விஜய் நாயகி
- IndiaGlitz, [Monday,December 03 2018]
இயக்குனர் ஷங்கர் இயக்கிய 'பாய்ஸ்' படத்தின் மூலம் திரையுலகில அறிமுகமான நடிகை ஜெனிலியா, விஜய் நடித்த 'சச்சின்' மற்றும் வேலாயுதம் உள்பட பலதிரைப்படங்களில் நடித்தார். பாலிவுட்டிலும் எண்ட்ரி ஆன ஜெனிலியா, நடிகர் ரித்தேஷ் தேஷ்முக்கை காதலித்து கடந்த 2012ஆம் ஆண்டு திருமணம் செய்து கொண்டார். திருமணம் செய்த பின்னர் திரையுலகில் இருந்த விலகிய ஜெனிலியாவுக்கு இரண்டு குழந்தைகள் உள்ளன.
இந்த நிலையில் ஜெனிலியா தற்போது கணவர் தேஷ்முக் நடிக்கும் 'மாவுலி' என்ற படத்தில் ஒரு பாடலில் நடித்துள்ளார். இந்த பாடலின் டீசர் தற்போது வெளிவந்து வைரலாகி வருகிறது. ஹோலிப்பண்டிகை கொண்டாடுவது போன்ற இந்த கலர்புல் பாடலில் ஜெனிலியா நான்கு வருடங்களுக்கு முன் எப்படி இருந்தாரோ அப்படியே இருப்பதாக தேஷ்முக் தனது சமூக வலைத்தளத்தில் குறிப்பிட்டுள்ளார்.
ரித்தேஷ் தேஷ்முக், ஜெனிலியா இருவரும் இணைந்து ஏற்கனவே மஸ்தி, துஜே மேரி கசம், தேரே நாள் லவ் ஹோ கயா, லாய் பாரி ஆகிய இந்தி படங்களில் நடித்துள்ளனர் என்பது குறிப்பிடத்தக்கது.