உலகிலேயே மிக அதிகமாக கொரோனா வைரஸால் பாதிக்கப்பட்டுள்ள அமெரிக்காவுக்கு மேலும் ஒரு சோதனையாக காட்டுத்தீ வடிவில் வந்துள்ளது. இந்த காட்டுத்தீ காரணமாக அமெரிக்காவில் உள்ள போர்ட்லேண்ட் பகுதியில் பெரும் பரபரப்பு ஏற்பட்டுள்ளது. காட்டுத்தீ மிக வேகமாக பரவி வருவதை அடுத்து போர்ட்லாண்ட் மேயர் அவசரநிலையை பிரகடனப்படுத்தி உள்ளார் என்பது குறிப்பிடத்தக்கது.

இந்த நிலையில் தனுஷ் நடித்த ’மயக்கம் என்ன’ சிம்பு நடித்த ’ஒஸ்தி’ உள்ளிட்ட படங்களில் நடித்த நடிகை ரிச்சா கங்கோபாத்யா, ஜோ என்பவரை காதலித்து கடந்த சில ஆண்டுகளுக்க்கு முன் திருமணம் செய்து கொண்டார். திருமணத்திற்கு பின் அவர் கணவருடன் அமெரிக்காவில் செட்டிலாகிவிட்டார் என்பது குறிப்பிடத்தக்கது.

இந்த நிலையில் அமெரிக்காவில் காட்டுத்தீ பரவி வரும் போர்ட்லாண்ட் பகுதியில் தான் ரிச்சா தனது கணவருடன் வசித்து வருகிறார். அவரது வீட்டிற்குள்ளும் புகை வந்து விட்டதால் மூச்சு விடக் கூட சிரமமாக இருப்பதாக அவர் தனது டுவிட்டரில் பதிவு செய்துள்ளார்.

இதுகுறித்து அவர் மேலும் கூறியபோது, ‘காற்றின் தரம் இங்கு மிக மோசமாக உள்ளது. வீட்டுக்குள்ளேயே புகை வந்து விட்டதால் மூச்சு விடக்கூட முடியாத நிலை உள்ளது. மேலும் அனைத்து கடைகளிலும் ஏர் பியூரிஃபையர் விற்று தீர்ந்து விட்டதால் பெரும் தலைவலியுடன் நாங்கள் போராடிக் கொண்டிருக்கின்றோம்’என்று பதிவு செய்துள்ளார்.

Guess I have to wear a different kind of mask now...it's so smoky outside I had to whip out my respirator I use for my painting projects! #OregonFires #OregonIsBurning #wildfire #Portland pic.twitter.com/ZFqj7CY1p5

— Richa Langella (Gangopadhyay) (@richyricha) September 11, 2020