தொலைக்காட்சியில் செய்தி வாசிப்பாளராக அறிமுகம் ஆகி அதன்பின் திரைப்படங்களில் நடித்த நடிகை பாத்திமா பாபுவின் கணவர் மற்றும் மகன்களுடன் இருக்கும் புகைப்படங்கள் தற்போது இணையதளங்களில் வைரல் ஆகி வருகிறது.

தூர்தர்ஷன் தொலைக்காட்சியில் செய்தி வாசிப்பாளராக பிரபலமானவர் பாத்திமா பாபு. இதனை அடுத்து அவர் கே. பாலச்சந்தர் இயக்கத்தில் உருவான ’கல்கி’ என்ற திரைப்படத்தின் மூலம் பெரிய திரையில் அறிமுகமானார். அதன்பின் அவர் ’நேருக்கு நேர்’ ’சொல்லாமலே’ ‘நீ வருவாய் என’ ’முதல்வன்’ ’முகவரி’ உட்பட பல திரைப்படங்களில் நடித்தார். தமிழ் மட்டுமின்றி மலையாளம் தெலுங்கு படங்களில் நடித்தார் என்பதும், அவர் ஒரு சில தொலைக்காட்சி தொடர்களிலும் நடித்துள்ளார் என்பது குறிப்பிடத்தக்கது.

இந்த நிலையில் நடிகை பாத்திமா, பாபு என்பவரை திருமணம் செய்து கொண்ட நிலையில் இந்த தம்பதிக்கு ஆஷிக் மற்றும் ஷாருக் ஆகிய இரண்டு மகன்கள் உள்ளனர். நடிகை பாத்திமா பாபு தனது இன்ஸ்டாகிராம் பக்கத்தில் தனது இரண்டு மகன்கள் உடன் இருக்கும் புகைப்படங்களை பதிவு செய்த நிலையில் இந்த புகைப்படத்திற்கு ஏராளமான கமெண்ட்ஸ் லைக்ஸ் குவிந்து வருகிறது.