నేత్రదానం చేస్తానంటున్నహీరోయిన్.....
- IndiaGlitz, [Tuesday,August 09 2016]
వాళ్లు అంద‌మైన హీరోయిన్సే కాదు...వారికి అంద‌మైన మ‌న‌సుంటుంద‌ని చాలా సంద‌ర్భాల్లో క‌థానాయిక‌లు నిరూపిస్తూ వస్తున్నారు. తాజాగా నెల్లూరులో ఓ ప్ర‌ముఖ కంటి ఆసుప‌త్రి ప్రారంభోత్స‌వానికి హాజ‌రైంది చెన్నై సొగ‌స‌రి రెజీనా కసాండ్ర . ప్రారంభోత్స‌వం అనంత‌రం రెజీనా అక్క‌డ‌నున్న అభిమానులను ఉద్దేశించి ప్ర‌తి ఒక్క‌రికి కళ్లు చాలా ముఖ్య‌మ‌ని అందువల్ల మ‌ర‌ణాంతరం వారి క‌ళ్ల‌ను దానం చేసి మ‌రొక‌రికి చూపును ఇచ్చేలా చూడాల‌ని ఆమె కోరారు. అంతే కాకుండా తాను కూడా నేత్రదానం చేస్తాన‌ని చెప్ప‌డ‌మే కాకుండా సంబంధిత ప‌త్రాల‌పై సంత‌కం కూడా చేశారు.