ఆ వార్తల్లో నిజం లేదంటున్న సీతాదేవి...
- IndiaGlitz, [Sunday,November 01 2015]
సూపర్ స్టార్ మహేష్ హీరోగా ఎ.ఆర్.మురగదాస్ దర్శకత్వంలో ఓ సినిమా ఉంటుందని ఏప్రిల్ 12న సినిమా లాంఛనంగా ప్రారంభం అవుతుందని వార్తలు వినిపించాయి. మహేష్ సరసన హీరోయిన్ గా బాలీవుడ్ బ్యూటీ అలీయాభట్ నటిస్తుందని, శృతిహాసన్ నటిస్తుందని వార్తలు వినిపించాయి. అయితే ఈరోజు మాత్రం మహేష్ సరసన కంచె హీరోయిన్ ప్రగ్యా జైశ్వాల్ నటించే అవకాశం ఉందని వార్తలు వినపడ్డాయి.
కంచెలో ప్రగ్యా నటనకు మంచి అభినందనలే లభించాయి. దీంతో ప్రగ్యా నటించడం నిజమేనేమోనని అనుకున్నారు. తాజా సమాచారం ప్రకారం ఈ వార్తల్లో నిజం లేదని, అయితే మహేష్ నటించడం తనకు ఆనందమేనని, అయితే సదరు సినిమాకు సంబంధించి తననెవరు సంప్రదించలేదని ప్రగ్యా జైశ్వాల్ చెప్పుకొచ్చింది. ప్రస్తుతం మహేష్ శ్రీకాంత్ అడ్డాల దర్శకత్వంలో బ్రహ్మోత్సవం' సినిమా షూటింగ్ లో బిజీగా ఉన్నాడు.