சிரஞ்சீவி படத்தில் குத்தாட்டம் போடும் எம்.எல்.ஏ நடிகை
- IndiaGlitz, [Saturday,May 21 2016]
இளையதளபதி விஜய் நடித்த 'கத்தி' படத்தின் தெலுங்கு ரீமேக்கில் தெலுங்கு மெகா ஸ்டார் சிரஞ்சீவி நடிக்கவுள்ளார் என்பது அனைவரும் அறிந்ததே. வி.வி.விநாயக் இயக்கவுள்ள இந்த படத்தின் ஆரம்பகட்ட பணிகள் நடந்து வரும் நிலையில் இந்த படத்தில் சிரஞ்சீவிக்கு ஜோடியாக அனுஷ்கா நடிப்பார் என எதிர்பார்க்கப்படுகிறது.
இந்நிலையில் இந்த படத்தில் ஒரு குத்தாட்ட பாடலுக்கும் ஒருசில வசன காட்சிகளிலும் நடிக்க கேதரின் தெரசா ஒப்பந்தமாகியுள்ளதாக கூறப்படுகிறது. ஏற்கனவே இவர் Sarrainodu என்ற தெலுங்கு படத்தில் எம்.எல்.ஏ ஆக நடித்தவர் என்பதும் தமிழில் 'மெட்ராஸ்', 'கதகளி' உள்பட ஒருசில படங்களில் நடித்தவர் என்பதும் குறிப்பிடத்தக்கது.
தேவிஸ்ரீ பிரசாத் இசையமைத்து வரும் இந்த படத்தை சிரஞ்சீவியின் மகன் ராம்சரண்தேஜா தயாரிக்கவுள்ளார். வரும் ஜூன் முதல் இந்த படத்தின் படப்பிடிப்பு தொடங்கவுள்ளது.