14 வயது சிறுமியை கொடுமைப்படுத்தியதாக பிரபல நடிகை மீது போலீஸ் புகார்
- IndiaGlitz, [Thursday,January 24 2019]
கமல்ஹாசன், ரஜினிகாந்த், சத்யராஜ், விஜயகாந்த், பாக்யராஜ் உள்பட பல முன்னணி நடிகர்களுடன் நடித்து கடந்த 90களில் பிரபலமாக இருந்தவர் நடிகை பானுப்ரியா. இவர் மீது 14 வயது சிறுமியின் தாயார் ஆந்திர போலீசில் புகார் அளித்துள்ளார்.
சென்னையில் உள்ள பிரபல நடிகை பானுப்ரியாவின் வீட்டில் கடந்த ஒரு வருடமாக 14 வயது சிறுமி வேலை பார்த்து வருவதாகவும், ஒரு வருடமாக அவருக்கு சம்பளமும் கொடுக்காமல் அடிமைபோல கொடுமைப்படுத்தி வருவதாகவும் அந்த சிறுமியின் தாயார் போலீசில் புகார் அளித்துள்ளார். மேலும் தனது மகளை சந்திக்கவும் பானுப்ரியா அனுமதிக்கவிலை என்று அந்த சிறுமியின் தாயார் தனது புகார் மனுவில் குறிப்பிட்டுள்ளார்.
இந்த புகாரின் அடிப்படையில் வழக்குப்பதிவு செய்துள்ள ஆந்திர போலீசார் விரைவில் சென்னை வந்து பானுப்ரியாவிடம் விசாரணை நடத்துவார்கள் என்று எதிர்பார்க்கப்படுகிறது.