நடிகை அசின் தனது மகளின் புகைப்படத்தை தனது இன்ஸ்டாகிராம் பக்கத்தில் பதிவு செய்துள்ள நிலையில் இந்த புகைப்படத்தை பார்த்து அசின் மகளா இவர்? அதற்குள் இவ்வளவு வளர்ந்து விட்டார் என்று ஆச்சரியத்துடன் ரசிகர்கள் கமெண்ட்ஸ் செய்து விசாரித்து வருகின்றனர்.

தமிழ் சினிமாவின் முன்னணி நடிகைகளில் ஒருவராக இருந்தவர் அசின் என்பதும் ’எம் குமரன் சன் ஆப் மகாலட்சுமி’ என்ற திரைப்படத்தின் மூலம் அறிமுகமாகி அதன் பின்னர் அஜித், விஜய், விக்ரம், சூர்யா உள்பட பல பிரபலங்களுடன் நடித்தார் என்பதும் தெரிந்ததே. கமல்ஹாசன் நடித்த ’தசாவதாரம்’ திரைப்படம் அசினுக்கு மிகப் பெரிய புகழை பெற்று தந்தது.

இந்த நிலையில் கடந்த 2016 ஆம் ஆண்டு மைக்ரோமேக்ஸ் நிறுவனர் ராகுல் சர்மாவை திருமணம் செய்துகொண்ட அசினுக்கு ஆரின் என்ற பெண் குழந்தை 2017 ஆம் ஆண்டு பிறந்தது. தனது குழந்தையின் புகைப்படத்தை அவ்வப்போது தனது இன்ஸ்டாகிராமில் பதிவு செய்து வரும் அசின் தற்போது அவருடைய பிறந்தநாளை முன்னிட்டு வாழ்த்து கூறும் வகையில் தனது மகளின் புகைப்படத்தை அசின் பதிவு செய்துள்ளார்.

அந்த புகைப்படத்தில், ‘எனது மகள் எங்கள் வாழ்வின் ஒளி, இன்று அவருடைய பிறந்த நாள், ஐந்தாவது பிறந்தநாள் வாழ்த்துக்கள்! நாங்கள் உன்னை எல்லையற்ற அன்புடன் வளர்த்து வருகிறோம். கனிவான இதயம், ரசமான புன்னகை, நகைச்சுவையான கருத்துக்கள் மற்றும் நடன அடைவு கொண்ட நீ எங்களுக்கு குழந்தையாகனதை நாங்கள் பெருமையாக கருதுகிறோம்’ என்று பதிவு செய்துள்ளார். அசினின் இந்த பதிவு தற்போது வைரலாகி வருகிறது.

View this post on Instagram

A post shared by Asin Thottumkal (@simply.asin)