கமல் பட நடிகையின் மகள் சினிமாவில் அறிமுகம்: ரசிகர்கள் வரவேற்பு!
- IndiaGlitz, [Saturday,November 21 2020]
உலக நாயகன் கமல்ஹாசன் நடித்த ‘த்ரிஷ்யம்’ படத்தின் தமிழ் ரீமேக் படமான ‘பாபநாசம்’ மற்றும் ‘தூங்காவனம்’ ஆகிய தமிழ் படங்களிலும் பல மலையாள திரைப்படங்களிலும் நடித்தவர் நடிகை ஆஷா சரத். மேலும் த்ரிஷயம் படத்தின் தெலுங்கு ரீமேக்கிலும் இவர் தான் நடித்திருந்தார் என்பது குறிப்பிடத்தக்கது.
இந்த நிலையில் ஆஷா சரத் நடிக்கவிருக்கும் ஒரு படத்தில் அவரது மகளும் அறிமுகமாகவுள்ளதாக செய்தி வெளியாகியுள்ளது. துபாயில் எஞ்சினியரிங் படிப்பை முடித்த ஆஷா சரத் மகள் உத்தரா, மனோஜ் கனா இயக்கும் ’கெட்டா’ என்ற படத்தில் நடிக்கவிருப்பதாகவும், இந்த படத்தில் ஆஷா சரத் மற்றும் உத்தரா ஆகிய இருவரும் அம்மா மகள் கேரக்டர்களில் நடிக்கவிருப்பதாகவும் செய்திகள் வெளிவந்துள்ளது.
’கெட்டா’ இயக்குனர் மனோஜ் ஒருநாள் தற்செயலாக தனது மகளை பார்த்ததாகவும், அப்போது நடிக்க விருப்பமா? என கேட்டபோது தனது மகள் உத்தரா மகிழ்ச்சியுடன் ஒப்புக்கொண்டதாகவும் ஆஷா சரத் தெரிவித்துள்ளார். ஆஷா சரத் மகள் சினிமாவில் அறிமுகமாகவிருப்பதை அடுத்து ரசிகர்கள் அவருக்கு வரவேற்பு அளித்து சமூக வலைத்தலங்களில் பதிவு செய்து வருகின்றனர்.