'தி டர்ட்டி பிக்சர்ஸ்' நடிகையின் மர்ம மரணத்தில் திடீர் திருப்பம்: போஸ்ட்மார்ட்டம் அறிக்கை சொல்வது என்ன?
- IndiaGlitz, [Sunday,December 13 2020]
பிரபல பாலிவுட் மற்றும் வங்காள மொழி நடிகை ஆர்யா பானர்ஜி திடீரென மர்மமான முறையில் தனது வீட்டில் இறந்து கிடந்தார். இவரது மரணம் கொலையா? அல்லது தற்கொலையா? என்பது குறித்து போலீசார் விசாரணை செய்து கொண்டிருந்த நிலையில் நடிகை ஆர்யா பானர்ஜியின் போஸ்ட்மார்ட்டம் ரிப்போர்ட் தற்போது வெளிவந்துள்ளது.
போஸ்ட்மார்ட்டம் ரிப்போர்ட்டின் படி ஆர்யா பானர்ஜி கொலை செய்திருக்க வாய்ப்பில்லை என்று கூறப்படுகிறது. மேலும் அந்த ரிப்போர்ட்டில் அவரது உடலில் ஆல்கஹால் இருந்தது உறுதி செய்யப்பட்டுள்ளதாகவும், ஆல்கஹால் அதிகமாக பயன்படுத்தியதல்தான் அவரது மரணம் ஏற்பட்டதாக போஸ்ட்மார்ட்டம் ரிப்போர்ட்டில் இருப்பதாகவும் கூறப்பட்டிருப்பதால் அவரது மரணத்திற்கான காரணம் தற்போது ஆல்கஹால் என்பது உறுதி செய்யப்பட்டுள்ளது.
நடிகை சில்க் ஸ்மிதாவின் வாழ்க்கை வரலாறு திரைப்படமான ’தி டர்ட்டி பிக்சர்ஸ்’ என்ற திரைப்படத்தில் ஒரு முக்கிய கேரக்டரில் ஆர்யா பானர்ஜி நடித்திருந்தார் என்பதும் மேலும் அவர் பல பாலிவுட், வங்கமொழி படங்களில் நடித்திருந்தார் என்பதும் குறிப்பிடத்தக்கது.