சமீபத்தில் பிறந்த குழந்தையின் வீடியோவை வெளியிட்ட தமிழ் நடிகை!
- IndiaGlitz, [Wednesday,March 17 2021]
தமிழ் நடிகை ஒருவருக்கு கடந்த பிப்ரவரி 9ஆம் தேதி ஆண் குழந்தை பிறந்த நிலையில் அந்த குழந்தையின் வீடியோவை சற்று முன் தனது இன்ஸ்டாகிராம் பக்கத்தில் பதிவு செய்துள்ளார்.
’வருஷமெல்லாம் வசந்தம்’ என்ற திரைப்படத்தின் மூலம் தமிழ் திரையுலகில் அறிமுகமானவர் நடிகை அனிதா. அதன் பின்னர் இவர் விக்ரம் நடித்த ’சாமுராய்’ உள்ளிட்ட ஒரு சில தமிழ் படங்களிலும் சில இந்தி படங்களிலும் நடித்து உள்ளார்.
கடந்த 2013ஆம் ஆண்டு ரோகித் ரெட்டி என்பவரை திருமணம் செய்து கொண்ட அனிதாவுக்கு கடந்த 9ஆம் தேதி ஆண் குழந்தை பிறந்தது. இந்த குழந்தைக்கு ஆரவ் ரெட்டி என்று பெயர் வைத்துள்ளார் அனிதா என்பது குறிப்பிடத்தக்கது.
நடிகை அனிதா தனது குழந்தையின் புகைப்படத்தை அவ்வப்போது இன்ஸ்டாகிராம் பக்கத்தில் வெளியிட்டு வந்த நிலையில் தற்போது குழந்தையின் வீடியோக்களை வெளியிட்டுள்ளார். ஒருவீடியோவில் குழந்தை க்யூட்டாக தூங்குவது போன்றும், இன்னொரு வீடியோவில் அனிதாவின் மேல் படுத்துக் கொண்டிருப்பது போன்றும் உள்ளது. இந்த க்யூட் வீடியோவை 11 லட்சத்துக்கும் அதிகமான பார்வையாளர்கள் பார்த்துள்ளனர் என்பது ஏராளமான லைக்ஸ்கள் குவிந்து உள்ளது என்பது குறிப்பிடத்தக்கது.