கொரோனா வைரஸ் காரணமாக நாடு முழுவதும் ஊரடங்கு உத்தரவு பிறப்பிக்கப்பட்டு உள்ள நிலையில் வைரஸிடம் இருந்து பொதுமக்களின் உயிரை காப்பாற்றுவதற்காக மருத்துவர்கள், செவிலியர்கள், சுகாதாரப் பணியாளர்கள் குறிப்பாக காவல் துறையினர் தங்கள் உயிரையும் பணயம் வைத்து பணிபுரிந்து வருகின்றனர்.

இந்த நிலையில் தளபதி விஜய் நடித்த ’மாஸ்டர்’ படத்தில் முக்கிய வேடத்தில் நடித்துள்ள நடிகை ஆண்ட்ரியா தனது சமூக வலைப்பக்கத்தில் சென்னை போலீசாரின் பணிகளுக்கு பாட்டு பாடி தனது நன்றிகளைத் தெரிவித்துள்ளார்.

’யூ ஆர் தி ரியல் ஹீரோ’ என்ற பாட்டை பாடி அவர் மேலும் இதுகுறித்து கூறியதாவது ’போலீசாராகிய நீங்கள் நாட்டிற்காகவும் நகரத்திற்காகவும் மிகவும் கடினமாக உழைத்து வருகின்றீர்கள். உங்களுக்கு நான் நன்றி சொல்ல விரும்புகிறேன். நீங்கள் செய்யும் பணிக்கு மிகப்பெரிய நன்றி. தயவு செய்து யாரும் நம்பிக்கை இழக்க வேண்டாம். கூடிய விரைவில் எல்லாம் சரியாகிவிடும் என்று நாமும் காத்திருப்போம்’ என்று அவர் கூறியுள்ளார். சென்னை போலீசாருக்கு பாட்டுபாடி நன்றி கூறிய நடிகை ஆண்ட்ரியாவின் வீடியோ தற்போது வைரல் ஆகி வருகிறது.

Thank you @chennaipolice_
You are the real heroes. ?? #Covid19Chennai #ChennaiPolice pic.twitter.com/nLaPcOQaBH

— Andrea Jeremiah (@andrea_jeremiah) May 12, 2020