അനന്യ വീണ്ടും
- IndiaGlitz, [Friday,June 23 2017]
| മലയാള സിനിമയിൽ മുൻനിര നായികമാരിൽ ഒരാളായിരുന്ന അനന്യ പൃഥ്വിരാജ് നായകനാകുന്ന ടിയാനിലൂടെ വീണ്ടും തിരിച്ചെത്തുകയാണ്. എന്നാൽ ചിത്രത്തിന്റെ ഫസ്റ്റ് ലുക്ക് പോസ്റ്ററിൽ അംബ എന്ന കഥാപാത്രമായി അനന്യയെ അവതരിപ്പിച്ചപ്പോൾ ഉയർന്ന് വന്ന ചോദ്യം മറ്റൊന്നായിരുന്നു. 2015ൽ പുറത്തിറങ്ങിയ ഉറുമ്പുകൾ ഉറങ്ങാറില്ല എന്ന ചിത്രത്തിന് ശേഷം മലയാള സിനിമയിൽ നിന്നും അപ്രത്യക്ഷമായ അനന്യ പിന്നീട് രണ്ട് വർഷം എവിടെ ആയിരുന്നു എന്ന്. ഉയർന്നു വന്ന ചോദ്യത്തിനുള്ള ഉത്തരം താരം തന്നെ വ്യക്തമാക്കി. കഴിഞ്ഞ രണ്ട് വർഷം താൻ തെലുങ്ക്, തമിഴ് സിനിമയിൽ അഭിനയിക്കുകയായിരുന്നെന്നും മലയാളത്തിൽ കൂടുതൽ അവസരം ലഭിച്ചരുന്നില്ലെന്നും അനന്യ വ്യക്തമാക്കി. അന്യഭാഷ സിനിമകൾക്ക് ശേഷമാണ് ടിയാനിൽ അഭിനയിക്കാൻ എത്തിയതെന്നും അനന്യ പറഞ്ഞു. എന്നാൽ പലരും വിചാരിക്കുന്നത് വിവാഹത്തിന് ശേഷം താൻ അഭിനയം നിർത്തിയെന്നാണ്. പക്ഷേ ഇപ്പോഴും താൻ നല്ല വേഷങ്ങൾക്ക് വേണ്ടി കാത്തിരിക്കുകയാണെന്നും താരം പറഞ്ഞു. പുതിയ ചിത്രമായ ടിയാനിൽ അംബ എന്ന കഥാപാത്രമായാണ് അനന്യ എത്തുന്നത്. അംബയെ കുറിച്ച് താരത്തിന് വൻ പ്രതീക്ഷയാണുള്ളത്. |