ஜாக்கிசான் படத்தில் குங்பூ சண்டை போடும் தனுஷ் நாயகி
- IndiaGlitz, [Thursday,December 10 2015]
கே.வி.ஆனந்த் இயக்கத்தில் தனுஷ் நடித்த 'அனேகன்' படத்தில் நாயகியாக நடித்த நடிகை அமைரா, ஜாக்கி சான் படத்தில் நடிக்கவிருப்பதாக கடந்த சில நாட்களுக்கு முன்னர் செய்திகள் வெளிவந்த நிலையில் தற்போது அந்த தகவல் உறுதிப்படுத்தப்பட்டுள்ளது.
நடிகை அமைரா ஜாக்கி சான் நடிக்கும் படப்பிடிப்பில் தற்போது கலந்து கொண்டிருப்பதாக தகவல் வெளிவந்துள்ளது. Stanley Tong இயக்கத்தில் உருவாகி வரும் Kung Fu Yoga என்ற படத்தில் ஜாக்கி சானுடன் அமைரா முக்கிய வேடத்தில் நடித்து வருகிறார்.
பிரெளன் நிற முடியுடன் நடிக்கும் அமைராவுக்கு இந்த படத்தில் ஆக்சன் காட்சிகள் இருப்பதாகவும், இதற்காக நான்கு நாட்கள் அவர் குங்பூ மாஸ்டரிடம் பயிற்சி எடுத்துள்ளதாகவும் தகவல்கள் வெளிவந்துள்ளது.
முதல் நாளில் எட்டு மணி நேரமும், அடுத்தடுத்த நாட்களில் நான்கு மணிநேரமும் குங்குபூ பயிற்சி எடுத்துள்ளதாக அமைரா தெரிவித்துள்ளார். இந்த படத்தில் பிரபல பாலிவுட் நடிகர் சோனுசூட் அவர்களும் ஒரு முக்கிய வேடத்தில் நடிக்கவுள்ளார் என்பது குறிப்பிடத்தக்கது.