மிஸ்டர் அண்ட் மிஸஸ் சின்னத்திரையில் பிரபல தமிழ் நடிகையின் சகோதரர்!
- IndiaGlitz, [Sunday,April 25 2021]
விஜய் டிவியில் குக் வித் கோமாளி என்ற நிகழ்ச்சி சமீபத்தில் முடிவடைந்த நிலையில் விரைவில் மிஸ்டர் அண்ட் மிஸஸ் சின்னத்திரை’ என்ற நிகழ்ச்சி ஒளிபரப்பாக உள்ளது என்பது தெரிந்ததே. இந்த நிகழ்ச்சியில் ஏற்கனவே குக் வித் கோமாளி பிரபலங்களான தீபா தனது கணவருடன் கலந்து கொள்ள உள்ளார் என்பதும் அதேபோல் தனது மனைவியுடன் சரத் கலந்து கொள்ள உள்ளார் என்பதும் குறிப்பிடத்தக்கது
மேலும் இந்த நிகழ்ச்சியில் மொத்தம் 12 போட்டியாளர்கள் தங்கள் துணையுடன் கலந்துகொள்ள உள்ளனர். இந்த நிலையில் தமிழ் திரையுலகில் பிரபல நடிகையான ஐஸ்வர்யா ராஜேஷின் சகோதரருக்கு மணிகண்டன் என்பவரும் இந்த நிகழ்ச்சியில் தனது மனைவியுடன் கலந்து கொள்ள உள்ளார்
இவர் ஏற்கனவே பல சீரியல்களில் நடித்துள்ளார் என்பதும் நடிகை சோபியாவை இவர் திருமணம் செய்துள்ளார் என்பது குறிப்பிடத்தக்கது. ஐஸ்வர்யா ராஜேஷ் அண்ணன் இந்த நிகழ்ச்சியில் கலந்துகொள்ள உள்ளதை அடுத்து அவர் வெற்றி பெற வேண்டும் என்று ஐஸ்வர்யா ராஜேஷ் ரசிகர்கள் பலர் வாழ்த்து தெரிவித்து வருகின்றனர்.