’காதலில் சொதப்புவது எப்படி’ ’தீயா வேலை செய்யணும் குமாரு’ உள்பட பல தமிழ் படங்களில் நடித்த நடிகை ஐஸ்வர்யா மேனன், வொண்டர்வுமன் ஒருவரை அறிமுகப்படுத்தியுள்ளார். அவர் செய்த சாதனை என்ன என்பதை பார்ப்போம்.

நடிகை ஐஸ்வர்யா மேனன் தனது இன்ஸ்டாகிராம் பக்கத்தில் வீடியோ ஒன்றை வெளியிட்டுள்ளார். அந்த வீடியோவில் ராஜேஸ்வரி என்ற பெண்ணை அவர் அறிமுகம் செய்து இவர்தான் வொண்டர்வுமன் என்று கூறியுள்ளார். ராஜேஸ்வரி தினமும் 80 நாய்களுக்கு உணவு அளித்து வருவதாகவும், கடந்த ஐந்து ஆண்டுகளாக இதை செய்து வருவதாகவும் அவர் தெரிவித்துள்ளார். அவருடைய புன்னகை மிகவும் அழகாக இருப்பதாகவும் அவருடைய உள்ளமும் மிகவும் அழகாக இருப்பதாகவும் அவர் தெரிவித்துள்ளார். மேலும் அவர் செய்து வரும் சேவைக்கு ஒரு பெரிய சல்யூட் என்றும் ஐஸ்வர்யா மேனன் தனது இன்ஸ்டாகிராம் பக்கத்தில் குறிப்பிட்டுள்ளார்.

கடந்த ஐந்து வருடங்களாக தான் தினமும் தெரு நாய்களுக்கு உணவு அளித்து வருவதாகவும் ஒருநாள்கூட உணவளிக்காமல் இருந்ததில்லை என்றும் ராஜேஸ்வரி அந்த வீடியோவில் கூறியுள்ளார். இந்த வீடியோ தற்போது வைரல் ஆகி வருகிறது. இந்த வீடியோவை பார்த்த ரசிகர்கள் பலர் உண்மையிலேயே அவர் வொண்டர்வுமன் தான் என்று தெரிவித்து வருகின்றனர்.

View this post on Instagram

A post shared by Iswarya Menon (@iswarya.menon)